Drishyam 2 Box Office Collection: 100 કરોડના ક્લબમાં સામેલ થઇ અજય દેવગણની 'દ્રશ્યમ-2’, સાતમા દિવસે કરી શાનદાર કમાણી
18 નવેમ્બરે થિયેટર્સમાં રિલીઝ થયેલી 'દ્રશ્યમ 2' બોક્સ ઓફિસ પર શાનદાર કમાણી કરી રહી છે
Drishyam 2 Box Office: ડિરેક્ટર અભિષેક પાઠક દ્વારા નિર્દેશિત સસ્પેન્સ થ્રિલર ફિલ્મ 'દ્રશ્યમ 2' આ દિવસોમાં બોક્સ ઓફિસ પર નવી ઊંચાઈઓ હાંસલ કરી રહી છે. બોલિવૂડ સુપરસ્ટાર અજય દેવગણની આ ફિલ્મે પહેલા અઠવાડિયામાં જ 100 કરોડનો આંકડો પાર કરી લીધો છે. છેલ્લા 2 વર્ષમાં 'દ્રશ્યમ 2' અજય દેવગણની ત્રીજી ફિલ્મ બની છે, જેણે 100 કરોડનું બોક્સ ઓફિસ કલેક્શન કર્યું છે.
View this post on Instagram
'દ્રશ્યમ 2'એ 100 કરોડનો આંકડો પાર કર્યો
18 નવેમ્બરે થિયેટર્સમાં રિલીઝ થયેલી 'દ્રશ્યમ 2' બોક્સ ઓફિસ પર શાનદાર કમાણી કરી રહી છે. છેલ્લા 7 દિવસથી અજય દેવગણની આ ફિલ્મ સતત રેકોર્ડ સર્જી રહી છે. દરમિયાન ટ્રેડ એનાલિસ્ટ સુમિત કડેલના જણાવ્યા અનુસાર, 'દ્રશ્યમ 2' એ તેની રિલીઝના 7મા દિવસે ધમાકેદાર કમાણી કરી છે. જેના કારણે 'દ્રશ્યમ 2' એ પહેલા અઠવાડિયામાં 100 કરોડનો આંકડો પાર કરી લીધો છે. ગુરુવારે 'દ્રશ્યમ 2'એ બોક્સ ઓફિસ પર 9 કરોડનું કલેક્શન કર્યું છે. આ ગુરુવારની આવક સાથે 'દ્રશ્યમ 2'નું કુલ બોક્સ ઓફિસ કલેક્શન 104 કરોડને પાર કરી ગયું છે. આવી સ્થિતિમાં 'ગંગુબાઈ કાઠિયાવાડ' પછી 'દ્રશ્યમ 2' આ વર્ષે અજય દેવગણની વધુ એક સુપરહિટ ફિલ્મ બની છે.
રિલીઝના પહેલા અઠવાડિયામાં 100 કરોડની કમાણી કરનાર અજય દેવગણની 'દ્રશ્યમ 2'નો કમાણીનો ગ્રાફ આગામી દિવસોમાં વધી શકે છે. બીજા સપ્તાહમાં 'દ્રશ્યમ 2' બોક્સ ઓફિસ 150 થી 170 કરોડની વચ્ચે કલેક્શન કરી શકે છે. 'દ્રશ્યમ 2'માં અજય દેવગન, તબ્બુ, શ્રિયા સરન ઉપરાંત અક્ષય ખન્ના, ઈશિતા દત્તા, મૃણાલ જાધવ, રજત કપૂર જેવા કલાકારો મુખ્ય ભૂમિકામાં છે.
ટ્રેન્ડિંગ સમાચાર
ટોપ સ્ટોરી
