Dunki box office collection: 300 કરોડને પાર પહોંચ્યું 'ડંકી'નું કલેક્શન, વિશ્વભરમાં ફરી જોવા મળ્યો શાહરુખનો જલવો
Dunki Box Office Collection Day 7 Worldwide: સુપરસ્ટાર શાહરૂખ ખાનની ફિલ્મ 'ડંકી' બોક્સ ઓફિસ પર ધમાલ મચાવી રહી છે. કિંગ ખાનની ફિલ્મ પર દર્શકો ઘણો પ્રેમ વરસાવી રહ્યા છે. 'ડંકી' દેશમાં જ નહીં વિદેશોમાં પણ ધૂમ મચાવી રહી છે.
Dunki Box Office Collection Day 7 Worldwide: સુપરસ્ટાર શાહરૂખ ખાનની ફિલ્મ 'ડંકી' બોક્સ ઓફિસ પર ધમાલ મચાવી રહી છે. કિંગ ખાનની ફિલ્મ પર દર્શકો ઘણો પ્રેમ વરસાવી રહ્યા છે. 'ડંકી' દેશમાં જ નહીં વિદેશોમાં પણ ધૂમ મચાવી રહી છે અને દરરોજ કરોડો રૂપિયાની કમાણી કરી રહી છે. જાણો શાહરૂખ ખાનની 'ડંકી'એ બોક્સ ઓફિસ પર અત્યાર સુધીમાં કેટલા કરોડ રૂપિયાનું કલેક્શન કર્યું છે.
View this post on Instagram
'ડંકી'એ વિશ્વભરમાં કરોડોની કમાણી કરી
શાહરૂખ ખાનની 'ડંકી'ના વર્લ્ડવાઈડ કલેક્શનના લેટેસ્ટ આંકડા સામે આવ્યા છે. ફિલ્મના કલેક્શન વિશેની માહિતી રેઝ ચિલીઝ એન્ટરટેઈનમેન્ટના ઓફિશિયલ ઈન્સ્ટાગ્રામ એકાઉન્ટ પર શેર કરવામાં આવી છે, જે મુજબ શાહરૂખ ખાનની 'ડંકી'એ માત્ર 7 દિવસમાં વિશ્વભરમાં 300 કરોડ રૂપિયાનો આંકડો પાર કરી લીધો છે. આ ફિલ્મે એક સપ્તાહમાં કુલ 305 કરોડ રૂપિયાનો બિઝનેસ કર્યો છે.
વર્ષ 2023માં શાહરૂખ ખાનની ત્રીજી ફિલ્મ છે 'ડંકી'
'ડંકી' વર્ષ 2023માં રિલીઝ થયેલી શાહરૂખ ખાનની ત્રીજી ફિલ્મ છે. આ પહેલા અભિનેતાની બે ફિલ્મો 'જવાન' અને 'પઠાન' રીલિઝ થઈ હતી. બંને ફિલ્મો બોક્સ ઓફિસ પર કમાણીના મામલામાં ઓલ ટાઈમ બ્લોકબસ્ટર સાબિત થઈ હતી. શાહરૂખ ખાન 'જવાન' અને 'પઠાન'માં તેના એક્શન અવતારથી લોકપ્રિય હતો. શાહરૂખ ખાનની 'ડંકી' જણાવે છે કે કેવી રીતે લોકો વિઝા અને પાસપોર્ટ વિના ગેરકાયદેસર રીતે બીજા દેશમાં પ્રવેશ કરે છે અને આવા કામના પરિણામો શું છે.
View this post on Instagram
રાષ્ટ્રપતિ ભવન ખાતે ફિલ્મનું સ્ક્રીનિંગ કરવામાં આવ્યું હતું
શાહરૂખ ખાનની ફિલ્મ ડંકીનું દિગ્દર્શન પ્રખ્યાત નિર્દેશક રાજકુમાર હિરાનીએ કર્યું છે. તાપસી પન્નુ, વિકી કૌશલ, બોમન ઈરાની, વિક્રમ કોચર અને અનિલ ગ્રોવરે તેમાં મહત્વની ભૂમિકાઓ ભજવી છે. રિલીઝ પછી, 'ડંકી'ને વિવેચકો અને દર્શકો તરફથી મિશ્ર પ્રતિસાદ મળ્યો. રાષ્ટ્રપતિ ભવનમાં પણ શાહરૂખ ખાનની 'ડંકી' દર્શાવવામાં આવી હતી.
ટોપ સ્ટોરી
ટ્રેન્ડિંગ સમાચાર
