Tiger 3 First Poster Out: ટાઈગર-3નું ફર્સ્ટ લુક પોસ્ટર થયું જાહેર, સલમાન-કેટરીનાનો જોવા મળશે એક્શન અવતાર, જાણો ક્યારે ફિલ્મ થશે રિલીઝ
Tiger 3 Release Date: પોસ્ટરમાં, સલમાન અને કેટરીના બંને બંદૂકોથી સજ્જ ડેશિંગ અવતારમાં જોઈ શકાય છે.
Tiger 3 First Poster Out: સલમાન ખાન અને કેટરિના કૈફની મોસ્ટ અવેટેડ ફિલ્મ 'ટાઈગર 3'ની ચાહકો આતુરતાથી રાહ જોઈ રહ્યા છે. ફેન્સને મોટી ટ્રીટ આપતાં મેકર્સે શનિવારે સવારે ફિલ્મ 'ટાઈગર 3'નું પહેલું પોસ્ટર રિલીઝ કર્યું. આ સાથે જ ફિલ્મની રિલીઝ ડેટ પણ કન્ફર્મ થઈ ગઈ છે.
સલમાન ખાને 'ટાઈગર 3'નું ફર્સ્ટ લૂક પોસ્ટર રિલીઝ કર્યું
સલમાન ખાને તેના સોશિયલ મીડિયા હેન્ડલ પર ટાઈગર 3નું ફર્સ્ટ લૂક પોસ્ટર રિલીઝ કર્યું છે અને ફિલ્મની રિલીઝ ડેટ પણ જાહેર કરી છે. સલમાન ખાને એક્સ હેન્ડલ પરથી લખ્યું, "આવી રહ્યો છું! દિવાળી 2023 પર ટાઈગર 3. YRF50 સાથે ટાઈગર 3 નજીકના મોટા સ્ક્રીન પર જ ઉજવો. હિન્દી, તમિલ અને તેલુગુમાં રિલીઝ થઈ રહી છે. પોસ્ટરમાં, સલમાન અને કેટરીના બંને બંદૂકોથી સજ્જ ડેશિંગ અવતારમાં જોઈ શકાય છે. આ પોસ્ટરને જોઈને કહી શકાય કે 'ટાઈગર 3' 'ટાઈગર'ની પહેલી બે સીરિઝ કરતાં વધુ મોટી અને ભવ્ય ફ્રેન્ચાઈઝી બનવાની ખાતરી છે.
Aa raha hoon! #Tiger3 on Diwali 2023. Celebrate #Tiger3 with #YRF50 only at a big screen near you. Releasing in Hindi, Tamil and Telugu. #KatrinaKaif | #ManeeshSharma | @yrf pic.twitter.com/3bMBWyPVGm
— Salman Khan (@BeingSalmanKhan) September 2, 2023
ફ્રેન્ચાઇઝીની પ્રથમ બે ફિલ્મોએ બોક્સ ઓફિસ પર તોડ્યા હતા રેકોર્ડ
ફ્રેન્ચાઈઝીની પહેલી ફિલ્મ 'એક થા ટાઈગર'એ 2012માં બોક્સ ઓફિસ પર ધૂમ મચાવી હતી. આ ફિલ્મમાં સલમાનને RAW એજન્ટ ટાઈગર અને કેટરિના ISI એજન્ટ ઝોયા તરીકે દર્શાવવામાં આવી હતી. સલમાન અને કેટરીનાની કેમેસ્ટ્રીએ સિલ્વર સ્ક્રીન પર આગ લગાવી દીધી હતી. આ પછી સલમાન અને કેટરિનાએ વર્ષ 2017માં 'ટાઈગર ઝિંદા હૈ' નામની આ ફિલ્મની સિક્વલ સાથે કમબેક કર્યું હતું. આ ફિલ્મે બોક્સ ઓફિસના તમામ રેકોર્ડ તોડી નાખ્યા હતા.
'ટાઈગર 3' 'YRF સ્પાય યુનિવર્સ'ની પાંચમી ફિલ્મ
'ટાઈગર 3' લોકપ્રિય 'વાયઆરએફ સ્પાય યુનિવર્સ'ની પાંચમી ફિલ્મ છે અને છ વર્ષ પછી સલમાન અને કેટરિના ટાઈગર અને ઝોયા તરીકે કમબેક કરી રહ્યા છે. હવે એ જોવાનું રસપ્રદ રહેશે કે આવનારી ફિલ્મ તેની અગાઉની ફિલ્મોના રેકોર્ડ તોડી શકે છે કે નહીં.
ટોપ સ્ટોરી
ટ્રેન્ડિંગ સમાચાર
