(Source: ECI/ABP News/ABP Majha)
Govinda : 22 વર્ષ પહેલા ગોવિંદા આ પ્રસિદ્ધ અભિનેત્રીના પ્રેમમાં ગળાડૂબ થયો હતો, પત્ની સાથે ડિવોર્સ સુધી પહોંચી ગઈ હતી વાત
Govinda Love Affairs: પોતાના ડાન્સ અને કોમેડીના જોરે ફિલ્મ ઈન્ડસ્ટ્રીમાં પોતાની ઓળખ બનાવનાર ગોવિંદા પોતાના અફેરને લઈને પણ ઘણી હેડલાઈન્સ બનાવી ચુક્યા છે.
Govinda Affair: નેવુંના દાયકાના પ્રખ્યાત અભિનેતા ગોવિંદાએ બોલિવૂડમાં પોતાની કોમેડી અને શાનદાર ડાન્સ કૌશલ્યથી ફિલ્મી દુનિયામાં પોતાની ઓળખ બનાવી છે. તે સમયગાળામાં તેણે જે ફિલ્મમાં કામ કર્યું હતું, તે ફિલ્મ હિટ બની હતી. ચાહકો આજે પણ ગોવિંદાની ફિલ્મો જોવાનું પસંદ કરે છે.
એક સમય એવો હતો જ્યારે ગોવિંદાના ચાહકો તેની એક ઝલક માટે કંઈ પણ કરવા તૈયાર હતા. ગોવિંદાનો ચાર્મ માત્ર ફેન્સ પર જ નહીં પરંતુ તેની સાથે કામ કરતા સ્ટાર્સ પર પણ જોવા મળ્યો હતો. જોકે, રાની મુખર્જીની નિકટતાએ તેમના જીવનમાં મુશ્કેલીઓ ઊભી કરી હતી.
22 વર્ષ પહેલા ગોવિંદા - રાની મુખર્જીનો અફેયર
ગોવિંદા આજે સુખી લગ્ન જીવન જીવી રહ્યા છે, પરંતુ લગભગ 22 વર્ષ પહેલા તેમના લગ્નજીવનમાં મુશ્કેલી આવી હતી. કંઈક એવું થયું કે વર્ષ 2000માં ગોવિંદા અને રાની મુખર્જી ફિલ્મ ‘હદ કર દી આપને’માં સાથે કામ કરી રહ્યા હતા. મીડિયા રિપોર્ટ્સમાં દાવો કરવામાં આવ્યો છે કે તે દરમિયાન બંને એકબીજાની નજીક આવી ગયા હતા. બોલિવૂડમાં તેમના અફેરના સમાચારો સામાન્ય થવા લાગ્યા.
પત્ની સુનિતા સાથે ડિવોર્સ સુધી પહોંચી ગઈ હતી વાત
રિપોર્ટ્સમાં કહેવાયું છે કે તેની પત્ની સુનીતા પણ ગોવિંદાના અફેરથી વાકેફ હતી. આ વાતની જાણ થતાં જ ગોવિંદાના જીવનમાં મોટો ભૂકંપ આવી ગયો હતો. પોતાના લગ્ન જીવનને બચાવવા માટે ગોવિંદાએ રાની મુખર્જીથી અલગ થવું યોગ્ય માન્યું.
રિપોર્ટ્સ અનુસાર, રાની મુખર્જી સિવાય ગોવિંદાનું નામ રવિના ટંડન સાથે પણ જોડાઈ ચૂક્યું છે, પરંતુ તેમનું અફેર લાંબા સમય સુધી ચાલી શક્યું નહીં.
ગોવિંદાની ફિલ્મ સફર
ગોવિંદાએ પોતાના ફિલ્મી કરિયરમાં એકથી વધુ હિટ ફિલ્મો આપી છે. જેમાં પાર્ટનર, કુલી નંબર વન, શોલા ઔર શબનમ, રાજા બાબુ, હસીના માન જાયેગી અને ભાગમ ભાગ જેવી ફિલ્મોનો સમાવેશ થાય છે. હાલમાં, ગોવિંદા તેની પત્ની સાથે ખુશીથી અંગત જીવન જીવી રહ્યો છે. આ દિવસોમાં ગોવિંદા પણ તેના આલ્બમમાં વ્યસ્ત છે અને તેણે ઘણા ગીતો રજૂ કર્યા છે.
ટ્રેન્ડિંગ સમાચાર
ટોપ સ્ટોરી
