Pathan રિલીઝ થતાની સાથે જ વાયરલ થયો Shahrukh Khanનો આ ફની ઈન્ટરવ્યુ, જુઓ મજેદાર વીડિયો
SRK Pathaan: સુપરસ્ટાર શાહરૂખ ખાનની ફિલ્મ 'પઠાણ' આજથી સિનેમાઘરોમાં રિલીઝ થઈ ગઈ છે. દરમિયાન શાહરૂખનો આ ઈન્ટરવ્યુ સોશિયલ મીડિયા પર ખૂબ જ લોકપ્રિય થઈ રહ્યો છે.
Shah Rukh Khan Pathaan Release: હિન્દી સિનેમાના મેગા સુપરસ્ટાર શાહરૂખ ખાનની ફિલ્મ 'પઠાણ' આજથી સિનેમાઘરોમાં રિલીઝ થઈ રહી છે. લગભગ 4 વર્ષની લાંબી રાહ બાદ કિંગ ખાન 'પઠાણ' દ્વારા મોટા પડદા પર પરત ફર્યો છે. શાહરૂખ ખાન અને 'પઠાણ'ની ચર્ચા દરેક જગ્યાએ થઈ રહી છે. આ દરમિયાન શાહરૂખ ખાનનો એક થ્રોબેક ઇન્ટરવ્યુ સોશિયલ મીડિયા પર ઝડપથી વાયરલ થઈ રહ્યો છે. જે કદાચ તમે પહેલા ક્યારેય નહિ જોયો હોય.
સોશિયલ મીડિયા પર છવાયો કિંગ ખાનનો આ ઈન્ટરવ્યુ
'પઠાણ'ની રિલીઝ દરમિયાન શાહરૂખ ખાનનો એક ઈન્ટરવ્યુ હાલમાં સોશિયલ મીડિયા પર વાયરલ થઈ રહ્યો છે. હકીકતમાં શાહરૂખનો એક થ્રોબેક ઇન્ટરવ્યુ એબીપી ન્યૂઝ પર લાઇવ ટેલિકાસ્ટ કરવામાં આવ્યો છે. જે તમે ક્યારેય નહીં જોઈ હોય. શાહરૂખ ખાનનો આ ઈન્ટરવ્યુ તેની ફિલ્મ 'દિલવાલે' દરમિયાનનો છે. કારણ કે આ ઈન્ટરવ્યુમાં શાહરૂખ ખાન બોલિવૂડ અભિનેત્રી કાજોલ સાથે જોવા મળી રહ્યો છે. આ ઈન્ટરવ્યુમાં કિંગ ખાન તેની ફિલ્મ લાઈફ અને અન્ય મહત્વના પાસાઓ પર ચર્ચા કરતો જોવા મળે છે. આ દરમિયાન શાહરૂખ એ પણ કહે છે કે 'જ્યારે તેની ફિલ્મો નથી ચાલતી ત્યારે તે બાથરૂમમાં રડે છે'. આ સાથે શાહરૂખ પણ કહે છે કે 'તેને સ્ટારડમનો ડર નથી લાગતો'. હું આટલા વર્ષોથી આ ફિલ્મ ઈન્ડસ્ટ્રીમાં છું, તેથી હવે મને તેની આદત પડી ગઈ છે. આટલું જ નહીં, શાહરૂખે જણાવ્યું કે, 'જ્યારે તે મુંબઈ આવ્યો ત્યારે તેના ખિસ્સામાં માત્ર 1500 રૂપિયા હતા. ટીવી સીરિયલ ફૌજી પછી તેનો પહેલો પગાર 1500 રૂપિયા હતો. કિંગ ખાન આ ઈન્ટરવ્યુમાં આવી બધી વાતો કહેતો જોવા મળી રહ્યો છે.
શાહરુખ ખાને 4 વર્ષ બાદ કરી વાપસી
છેલ્લી વખત બોલિવૂડ એક્ટર શાહરૂખ ખાન વર્ષ 2018માં આવેલી ફિલ્મ 'ઝીરો'માં લીડ એક્ટર તરીકે મોટા પડદા પર જોવા મળ્યો હતો. આવી સ્થિતિમાં લગભગ 4 વર્ષના લાંબા સમય પછી કિંગ ખાન શાહરૂખ ખાન 'પઠાણ' દ્વારા સિનેમાઘરોમાં વાપસી કરી રહ્યો છે. શાહરૂખ ખાનના ચાહકોમાં ફિલ્મ 'પઠાણ'નો ક્રેઝ સ્પષ્ટપણે જોવા મળી રહ્યો છે.હકીકત એ છે કે દેશના ઘણા રાજ્યોમાં સવારે 6 વાગ્યાથી જ 'પઠાણ'ના શો માટે ચાહકોની કતારો લાગી ગઈ હતી.
ટ્રેન્ડિંગ સમાચાર
ટોપ સ્ટોરી
