Pathaan Worldwide Box Office Collection Day 6: બોક્સ ઓફિસનો બાજીગર બન્યો શાહરૂખ ખાન, ફિલ્મ 'પઠાણ'એ છ દિવસમાં 600 કરોડનો આંકડો કર્યો પાર

સોમવારે પઠાણની કમાણીમાં ઘટાડો નોંધાયો હતો. ફિલ્મે રવિવારે ભારતમાં લગભગ 60.75 કરોડની કમાણી કરી હતી

ફોટોઃ ટ્વિટર

Pathaan Worldwide Box Office Collection Day 6:  શાહરૂખની ફિલ્મ ‘પઠાણ’ને લોંગ વીકએન્ડનો જબરદસ્ત ફાયદો મળ્યો. ટ્રેડ એનાલિસ્ટ રમેશ બાલા અનુસાર, પઠાણે 6 દિવસમાં વર્લ્ડવાઈડ બોક્સ ઓફિસ પર 600 કરોડ રૂપિયાનો આંકડો પાર કરી લીધો છે. પઠાણનું વિશ્વવ્યાપી ગ્રોસ કલેક્શન માત્ર 6 દિવસમાં 600 કરોડને પાર કરવું એ પઠાણ માટે મોટી સફળતા છે.

#Pathaan crosses ₹ 600 Crs WW Gross in 6 days.. 🔥

Holding very well on weekdays..

— Ramesh Bala (@rameshlaus) January 31, 2023

સોમવારે પણ સમગ્ર વિશ્વમાં પઠાણના પડઘા પડ્યા હતા. પઠાણને ભારતની સાથે દુનિયાભરના લોકોનો ઘણો પ્રેમ મળી રહ્યો છે. શાહરૂખના ફેન્સ થિયેટરોમાં પહોંચી રહ્યા છે.

#Pathaan early estimates for Day 6 All-India Nett would be ₹ 25 Crs..

Will cross ₹ 300 Crs Nett..

— Ramesh Bala (@rameshlaus) January 31, 2023

સોમવારે ‘પઠાણ’ની કમાણી ઘટી હતી

સોમવારે પઠાણની કમાણીમાં ઘટાડો નોંધાયો હતો. ફિલ્મે રવિવારે ભારતમાં લગભગ 60.75 કરોડની કમાણી કરી હતી. આ કમાણીમાં પઠાણનું હિન્દી કલેક્શન 58.5 કરોડ હતું. પરંતુ સોમવારે ફિલ્મની કમાણીમાં અડધાથી પણ ઓછો ઘટાડો થયો છે. પરંતુ કામકાજના દિવસો પ્રમાણે કલેક્શન સારું છે.

ટ્રેડ એનાલિસ્ટ રમેશ બાલાના જણાવ્યા અનુસાર છઠ્ઠા દિવસે પઠાણની કમાણી 25 કરોડની આસપાસ રહી છે. આ સાથે જ ફિલ્મે ભારતીય બોક્સ ઓફિસ પર 300 કરોડનો આંકડો પાર કરી લીધો છે.

સોમવારે પઠાણની કમાણી ભલે ઘટી હોય પરંતુ બોક્સ ઓફિસ પર ધૂમ મચાવી રહી છે. પઠાણને લઈને દુનિયાભરમાં જોવા મળતો ક્રેઝ આશ્ચર્યજનક છે. રિલીઝ થયા બાદ પઠાણ દરરોજ નવા નવા રેકોર્ડ બનાવી રહી છે.

સોમવારે કઈ ફિલ્મે સૌથી વધુ કલેક્શન કર્યું?

'બાહુબલી 2' હિન્દીમાં પહેલા સોમવારે સૌથી વધુ કમાણી કરનારી ફિલ્મ છે. તેનું કલેક્શન 40 કરોડથી વધુ હતું. આ પછી 'ટાઈગર ઝિંદા હૈ' 'હાઉસફુલ 4' અને 'ક્રિશ 3' જેણે પહેલા સોમવારે 30 કરોડથી વધુની કમાણી કરી હતી. 'બજરંગી ભાઈજાન' 27 કરોડની કમાણી કરીને 5માં નંબરે છે. આગામી ત્રણ ફિલ્મો 'KGF 2' 'સંજુ' અને 'દંગલ' છે, જેમણે રીલિઝ થયાના પ્રથમ સોમવારે 25 કરોડથી વધુનું કલેક્શન થયું હતું. જ્યારે પઠાણે પહેલા સોમવારે 25 કરોડની કમાણી કરીને આ યાદીમાં પોતાનું સ્થાન બનાવ્યું છે.

'વોર' જેવી બ્લોકબસ્ટર ફિલ્મ બનાવ્યા પછી હિન્દી સિનેમાના દિગ્ગજ નિર્દેશક સિદ્ધાર્થ આનંદે ફિલ્મ 'પઠાણ' પર દાવ લગાવ્યો. સુપરસ્ટાર શાહરૂખ ખાન પર સિદ્ધાર્થનો રમાયેલો આ દાવ સફળ પણ સાબિત થયો.  આ દરમિયાન 'પઠાણ'ની સફળતાને ધ્યાનમાં રાખીને મેકર્સે સોમવારે મુંબઈમાં એક પ્રેસ ઈવેન્ટનું આયોજન કર્યું હતું, જેમાં 'પઠાણ'ના નિર્દેશક સિદ્ધાર્થ આનંદે આ ફિલ્મના ભાગ વિશે મોટી હિંટ આપી હતી