Jawan Box Office Collection: એક વર્ષમાં Shah Rukh Khan ની બે ફિલ્મોએ સૌથી વધુ કમાણી કરી બનાવ્યો રેકોર્ડ!
શાહરૂખ ખાનની ફિલ્મ 'જવાન' એક પછી એક નવો ઈતિહાસ રચી રહી છે. આ ફિલ્મ કિંગ ખાન માટે વરદાનથી ઓછી નથી. 'જવાન' 7 સપ્ટેમ્બરના રોજ સિનેમાઘરોમાં રિલીઝ થઈ હતી.
Jawan Box Office Collection: શાહરૂખ ખાનની ફિલ્મ 'જવાન' એક પછી એક નવો ઈતિહાસ રચી રહી છે. આ ફિલ્મ કિંગ ખાન માટે વરદાનથી ઓછી નથી. 'જવાન' 7 સપ્ટેમ્બરના રોજ સિનેમાઘરોમાં રિલીઝ થઈ હતી અને રિલીઝના પહેલા દિવસથી જ બોક્સ ઓફિસ પર ધૂમ મચાવી રહી છે. અગાઉ 'પઠાણ'એ પણ ખૂબ જ શાનદાર કલેક્શન કર્યું હતું. જે બાદ હવે શાહરૂખ ખાનના નામે એક મોટો રેકોર્ડ નોંધાયો છે.
આ વર્ષે કિંગ ખાનની બે ફિલ્મો રિલીઝ થઈ છે અને બંને ફિલ્મોએ સૌથી વધુ કમાણી કરનારનો ખિતાબ જીત્યો છે. આ સાથે શાહરૂખ ખાન એવો બીજો અભિનેતા બની ગયો છે જેની એક વર્ષમાં રિલીઝ થયેલી બે ફિલ્મોએ સૌથી વધુ કલેક્શન કર્યું છે. આ પહેલા આ રેકોર્ડ રાજ કપૂરના નામે હતો જેમની બે ફિલ્મો 'બરસાત' અને 'અંદાઝ'એ બોક્સ ઓફિસ પર સૌથી વધુ કમાણી કરી રેકોર્ડ બનાવ્યો હતો.
View this post on Instagram
તમને જણાવી દઈએ કે 'જવાન'એ અત્યાર સુધી ઘરેલુ બોક્સ ઓફિસ પર 584.32 કરોડ રૂપિયાનું કલેક્શન કર્યું છે. ફિલ્મનું કુલ વર્લ્ડવાઈડ કલેક્શન પણ 1043.21 કરોડ રૂપિયા પર પહોંચી ગયું છે. 'પઠાણ' વિશે વાત કરીએ તો, આ ફિલ્મ આ વર્ષે જાન્યુઆરીમાં રિલીઝ થઈ હતી. જેણે સ્થાનિક બોક્સ ઓફિસ પર 540.51 કરોડ રૂપિયાની કમાણી કરી હતી અને વિશ્વભરમાં 1047 કરોડ રૂપિયાનો બિઝનેસ કર્યો હતો. આ રીતે શાહરૂખ ખાનની બે ફિલ્મોએ મળીને એક વર્ષમાં વિશ્વભરમાં 2000 કરોડ રૂપિયાથી વધુની કમાણી કરી છે.
રાજકપૂરની બરાબર પહોંચ્યો કિંગ ખાન!
'જવાન' અને 'પઠાણ'ના કલેક્શનથી શાહરૂખ ખાન દિવંગત પીઢ અભિનેતા રાજ કપૂરની બરાબરી પર આવી ગયો છે. 1949માં રાજ કપૂરની બે ફિલ્મો 'બરસાત' અને 'અંદાઝ' રિલીઝ થઈ હતી, જેણે એક વર્ષમાં સૌથી વધુ કમાણી કરી હતી. આ રીતે રાજ કપૂર એક વર્ષમાં બે ઓલ ટાઈમ ગ્રોસર ફિલ્મો આપનાર પ્રથમ અભિનેતા બન્યા હતા.
શાહરૂખે પોતાની જ બ્લોકબસ્ટર ફિલ્મ 'પઠાણ'નો રેકોર્ડ તોડ્યો
વર્ષ 2023 શાહરૂખ ખાન માટે ખૂબ જ લકી રહ્યું છે. જ્યારે તેની એક્શન થ્રિલર ફિલ્મ પઠાણ વર્ષની શરૂઆતમાં બ્લોક બસ્ટર રહી હતી, ત્યારે તેની તાજેતરમાં રિલીઝ થયેલી ફિલ્મ જવાન તેનાથી બે ડગલાં આગળ સાબિત થઈ છે. જવાને પણ તેની રિલીઝના 17માં દિવસે 545.58 કરોડ રૂપિયાનું કલેક્શન કરીને પઠાણના 543.5 કરોડ રૂપિયાના આજીવન કલેક્શનનો રેકોર્ડ તોડી નાખ્યો છે.
ટ્રેન્ડિંગ સમાચાર
ટોપ સ્ટોરી
