કોન્સર્ટ બાદ શ્રેયાનો અવાજ ગાયબ, સારવારમાં લાગ્યા ડોક્ટર્સ

સિંગર શ્રેયા ઘોષાલ સાથે દુર્ઘટના બની છે. તેણે કહ્યું કે કોન્સર્ટ બાદ તેનો અવાજ બંધ ગયો હતો. પરંતુ ડોક્ટરની મદદને કારણે તે હવે સ્વસ્થ છે. સારવાર બાદ શ્રેયા ઘોષાલે બીજા કોન્સર્ટમાં હાજરી આપી હતી.

શ્રેયા ઘોષાલ

સિંગર શ્રેયા ઘોષાલે સોશિયલ મીડિયામાં પોસ્ટ કરી એક ચોંકાવનારો ખુલાસો કર્યો છે. 23 કલાક પહેલા લખેલી એક ઈન્સ્ટા પોસ્ટમાં શ્રેયા ઘોષાલે એક એવી વાત શેર કરી છે જે જાણ્યા બાદ તેના ફેન્સ પરેશાન થઈ ગયા છે. કોન્સર્ટમાં વ્યસ્ત શ્રેયા ઘોષાલે જણાવ્યું કે કોન્સર્ટ પછી તેનો અવાજ સંપૂર્ણપણે ગાયબ થઈ ગયો હતો.

BOW DOWN QUEEN🙏
A shoothing melodious ton straightly touched soul to mind in bouncing away instilled enough potentialism! Wow❤#SunRahaHeNaTu - you take it another level each times with so much care & effort😍@shreyaghoshal hyptonised all in #NewYork. ❤#20YearsOfSG pic.twitter.com/6rRbh4oeYJ

— Sonali Projapoti #TeamShreya (@SonaSsg) November 20, 2022

શ્રેયા ઘોષાલ સાથે બની દુખદ ઘટના 

ઇન્સ્ટા સ્ટોરી પર માહિતી આપતા શ્રેયા ઘોષાલે જણાવ્યું કે તેનો અવાજ બંધ થઈ ગયો હતો. પરંતુ ડોક્ટરની મદદને કારણે તે હવે સ્વસ્થ છે. સારવાર બાદ શ્રેયા ઘોષાલે બીજા કોન્સર્ટમાં હાજરી આપી હતી. શ્રેયા ઘોષાલે ઇન્સ્ટા પોસ્ટમાં લખ્યું છે- આજે હું ખૂબ જ ભાવુક છું. હું મારા બેન્ડ, ફેમ અને મારી ટીમને ખૂબ પ્રેમ કરું છું. તેઓએ મારા શ્રેષ્ઠ અને ખરાબ તબક્કામાં મારો સાથ આપ્યો છે.

શ્રેયા ઘોષાલનું છલકાયું દર્દ 

શ્રેયા આગળ લખે છે ગઈકાલે રાત્રે ઓર્લાન્ડોમાં નાઈટ કોન્સર્ટ પછી મેં મારો અવાજ ગુમાવી દીધો હતો. મારા શુભેચ્છકોના આશીર્વાદ અને ડૉ. સમીર ભાર્ગવની શ્રેષ્ઠ દેખભાળને કારણે હું મારો અવાજ પાછો મેળવી શકી છું. આ પછી હું ન્યુયોર્ક એરેનામાં 3 કલાકના ભરચક કોન્સર્ટમાં ગાવા સક્ષમ બની છું. મને આટલો પ્રેમ આપવા બદલ ન્યૂયોર્કનો આભાર. શ્રેયા ઘોષાલે કહ્યું કે તેનો યુએસ પ્રવાસ પૂરો થઈ ગયો છે.

ચાહકો ભાવુક થઈ ગયા

શ્રેયા ઘોષાલની આ પોસ્ટ જોઈને ફેન્સ ઈમોશનલ થઈ રહ્યા છે. યુઝર્સ શ્રેયા માટે પ્રાર્થના કરી રહ્યા છે. ચાહકોએ શ્રેયાને બહાદુર કહી અને પ્રેમ મોકલ્યો. વેલ, શ્રેયા ઘોષાલ હવે એકદમ સ્વસ્થ છે. તેનો અવાજ પણ સારો છે. પરંતુ કોઈપણ ગાયક માટે અવાજ ગુમાવવો એ દુઃસ્વપ્નથી ઓછું નથી. ભલે થોડા કલાકો માટે જ કેમ ના હોય. શ્રેયા ઘોષાલે આ ડરનો સામનો કર્યો છે.

શ્રેયા ઘોષાલ મ્યુઝિક ઈન્ડસ્ટ્રીની ચમકતી સ્ટાર છે. તે સૌથી વધુ વેતન મેળવનાર પ્લેબેક સિંગર્સમાંથી એક છે. શ્રેયાને 4 નેશનલ એવોર્ડથી સન્માનિત કરવામાં આવી છે. માત્ર 4 વર્ષની ઉંમરે શ્રેયાએ ગાવાનું શરૂ કર્યું. શ્રેયાએ ઘણા સુપરહિટ ગીતો ગાયા છે. તેણે સિંગિંગ રિયાલિટી શો સા રે ગા મા પામાં પણ ભાગ લીધો હતો અને તે પણ જીત્યો હતો. શ્રેયા માત્ર હિન્દીમાં જ નહીં ઘણી ભાષાઓમાં ગાય છે. મ્યુઝિક ઈન્ડસ્ટ્રીમાં શ્રેયાનું યોગદાન મહત્વનું છે. તેના સુરીલા અવાજના કરોડો ચાહકો છે.