કોંકણી રીતિ રિવાજથી થયા દીપિકા અને રણવીરના લગ્ન, ચાર ફેરા ફરીને બન્યા પતિ-પત્ની

મુંબઈ: દીપિકા પાદુકોણ અને રણવીર સિંહના ઇટાલીમાં કોંકણી રીતિ રિવાજથી લગ્ન થઈ ગયા છે. બપોરે 2 વાગ્યાથી લગ્નની વિધિ ઇટાલીના લેક કોમો કિનારે બનેલા ખૂબસૂરત વિલા દેલ બલબિયાનેલોમાં શરૂ થઈ હતી જે 4.45 સુધી ચાલી હતી. વર-વધૂના ચાર ફેરા ફરીને રણવીરસિંહ અને દીપિકા પાદુકોણ પતિ-પત્ની બની ગયા છે. ઉલ્લેખનીય છે કે દીપિકા દક્ષિણ ભારત પરિવારમાંથી છે. ત્યાં કોંકણી રીતિ રિવાજથી લગ્ન થાય છે.

લગ્નના વેન્યૂ વિલાને સફેદ ફૂલોથી સજાવવામાં આવ્યા છે. લગભગ આઠ હજાર ફૂલોથી લગ્નના સ્થળને ડેકોરેશન કરવામાં આવ્યું છે. 15 નવેમ્બરે થનારા લગ્નના રસમ માટેની સજાવાટ લાલ રંગના ફૂલોથી થશે.