પુષ્પા ફિલ્મના શ્રીવલ્લી ગીતની અસરઃ ગોરિલા શ્રીવલ્લી ગીતનું હૂકસ્ટેપ કરતો જોવા મળ્યો, જુઓ વીડિયો
ઘણા સમયથી સાઉથની ફિલ્મોના સુપરસ્ટાર અલ્લુ અર્જુનની ફિલ્મ પુષ્પાનો ક્રેઝ ઈન્ટરનેટ પર જોવા મળી રહ્યો છે. આ ફિલ્મના ગીતો અને ડાયલોગ લાંબા સમયથી સોશિયલ મીડિયા પર ટ્રેન્ડમાં છે.
ઘણા સમયથી સાઉથની ફિલ્મોના સુપરસ્ટાર અલ્લુ અર્જુનની ફિલ્મ પુષ્પાનો ક્રેઝ ઈન્ટરનેટ પર જોવા મળી રહ્યો છે. આ ફિલ્મના ગીતો અને ડાયલોગ લાંબા સમયથી સોશિયલ મીડિયા પર ટ્રેન્ડમાં છે. પુષ્પા ફિલ્મના ગીતનું હૂકસ્ટેપ આજકાલ ખૂબ જ ટ્રેન્ડમાં છે. આ ગીત પર મોટા મોટા ક્રિકેટરોની સાથે સાથે ફિલ્મી હસ્તીઓ પણ તેનું હૂકસ્ટેપ કર્યું હતું.
હાલમાં જ એક વીડિયો ઝડપથી વાયરલ થઈ રહ્યો છે. જેમાં એક ગોરિલા સુપરસ્ટાર અલ્લુ અર્જુનની ફિલ્મ પુષ્પાના શ્રીવલ્લી ગીતનું વાયરલ થયેલું હૂકસ્ટેપ કરતો જોવા મળી રહ્યો છે. જેને જોઈને સોશિયલ મીડિયા યુઝર્સ ખૂબ જ આશ્ચર્યચકિત થયા છે. આ વીડિયો સોશિયલ મીડિયા પર ઝડપથી વાયરલ થતો જોવા મળી રહ્યો છે. આ વીડિયો જોઈને દરેક લોકો ગોરિલાના ડાન્સ સ્ટેપની પ્રસંશા કરી રહ્યા છે.
વીડિયોમાં જોવા મળે છે કે, પ્રાણી સંગ્રહાલયમાં એક પાંજરામાં રહેલો ગોરિલા તેની બાઉન્ડ્રીમાં ચાલતો આગળ આવે છે અને સીડી પર ઊભા રહીને ત્રાંસો ચાલવા લાગે છે. જેને ત્યાં હાજર દર્શકોએ પોતાના કેમેરામાં કેદ કરી લીધો હતો. એક ક્રિએટિવ માણસે ગોરિલાની આ હરકતને ફિલ્મ પુષ્પાના શ્રીવલ્લી ગીત પર આ વિડિયો એડિટ કર્યો છે.
View this post on Instagram
વીડિયોમાં દેખાતા ગોરિલાનું હૂકસ્ટેપ એકદમ અદ્ભુત છે, જે ગીતના હૂકસ્ટેપ જેવું જ લાગે છે. સમાચાર લખાય છે ત્યાં સુધી, વીડિયોને સોશિયલ મીડિયા પર લાખો વ્યૂઝ સાથે 11 લાખથી વધુ લાઈક્સ મળી ચૂક્યા છે. વીડિયો જોઈને આશ્ચર્યચકિત થયેલા યુઝર્સ કોમોન્ટ કરી રહ્યા છે કે, 'પ્રાણીઓ પર પુષ્પા ફિલ્મની સાઈડઈફેક્ટ થઈ.'
ટોપ સ્ટોરી
ટ્રેન્ડિંગ સમાચાર
