![ABP Premium](https://cdn.abplive.com/imagebank/Premium-ad-Icon.png)
Leena Maria Paul: જોન અબ્રાહમ સાથે કામ કરી ચુક્લી આ એક્ટ્રેસ તિહાડ જેલમાં છે બંધ, કરી રહી છે આ ચોંકાવનારું કામ
Leena Paul News: એક વરિષ્ઠ અધિકારીએ જણાવ્યું, જ્યારથી પોલ જેલમાં આવી છે ત્યારથી તે અન્ય મહિલા કેદીઓની જેમ સકારાત્મક બનવાનો પ્રયાસ કરી રહી છે અને તેના સમયનો ઉપયોગ નવી વસ્તુઓ શીખવા માટે કરી રહી છે.
![Leena Maria Paul: જોન અબ્રાહમ સાથે કામ કરી ચુક્લી આ એક્ટ્રેસ તિહાડ જેલમાં છે બંધ, કરી રહી છે આ ચોંકાવનારું કામ In Tihar jail actress leena maria paul learns making jelly and jams check details Leena Maria Paul: જોન અબ્રાહમ સાથે કામ કરી ચુક્લી આ એક્ટ્રેસ તિહાડ જેલમાં છે બંધ, કરી રહી છે આ ચોંકાવનારું કામ](https://feeds.abplive.com/onecms/images/uploaded-images/2022/04/11/17ecd03225c0cbef03d386ce740bc6bf_original.jpg?impolicy=abp_cdn&imwidth=1200&height=675)
Sukesh Chandrakar News: 'મદ્રાસ કેફે' અભિનેત્રી લીના મારિયા પોલ તેના પતિ કુખ્યાત ઠગ સુકેશ ચંદ્રશેખર સાથે છેતરપિંડી કરવાના આરોપમાં દિલ્હીની તિહાર જેલમાં બંધ છે. અભિનેત્રી હવે મહિલા કેદીઓ માટે કૌશલ્ય પ્રશિક્ષણ કાર્યક્રમના ભાગરૂપે જામ અને જેલી બનાવવાનું શીખી રહી છે. જેલના અધિકારીઓએ જણાવ્યું હતું કે પોલ ગયા વર્ષથી તિહારમાં બંધ છે. તે એક પ્રશિક્ષિત ક્લાસિકલ ડાન્સર છે અને સકારાત્મક વાતાવરણ બનાવવા માટે જેલ દ્વારા આયોજિત સાંસ્કૃતિક પ્રવૃત્તિઓમાં સક્રિયપણે ભાગ લે છે.
અધિકારીઓએ જણાવ્યું કે જેલમાં કેદીઓ માટે જામ અને જેલી ઉપરાંત કલા, સંગીત, નૃત્ય, યોગ અને અથાણું બનાવવાના વર્ગો પણ યોજવામાં આવે છે. જેલ વિભાગના એક વરિષ્ઠ અધિકારીએ જણાવ્યું હતું કે જ્યારથી પોલ જેલમાં આવી છે ત્યારથી તે અન્ય મહિલા કેદીઓની જેમ સકારાત્મક બનવાનો પ્રયાસ કરી રહી છે અને તેના સમયનો ઉપયોગ નવી વસ્તુઓ શીખવા માટે કરી રહી છે. તે છેલ્લા બે મહિનાથી અઠવાડિયામાં બે વાર જામ અને જેલી બનાવવાના ક્લાસમાં હાજરી આપી રહી છે.
મદ્રાસ કેફે ફિલ્મમાં જોન અબ્રાહમ સાથે કામ કર્યું
અભિનેત્રી તિહાર જેલની છ નંબરની વિંગ અથવા મહિલા વિંગમાં બંધ છે. તેનો પતિ નંબર વન વિંગમાં છે. પૉલે જામફળ, ટામેટા જામ અને કસ્ટર્ડ બનાવતા શીખી છે અને નેઇલ આર્ટ તથા મેક-અપ ક્લાસમાં પણ પ્રવેશ મેળવ્યો છે. અધિકારીએ કહ્યું કે પોલ ફિટ અને સ્વસ્થ રહેવા માટે યોગા પણ કરે છે અને આંતરરાષ્ટ્રીય મહિલા દિવસે અન્ય કેદીઓ સાથે ગ્રુપ ડાન્સ કર્યો હતો. લીના મારિયા પોલ જ્હોન અબ્રાહમની એક્શન થ્રિલર ફિલ્મ મદ્રાસ કેફેમાં અભિનય કરીને ચર્ચામાં આવી હતી.
આ પણ વાંચો
Hyundai Creta: હ્યુન્ડાઈ ક્રેટમાં મળશે હવે સુવિધા, ડ્રાઈવિંગની મજા થશે બમણી
Coronavirus Cases Today: કોરોનાને લઈ રાહતના સમાચાર, દેશમાં 24 કલાકમાં માત્ર 6 સંક્રમિતોના મોત
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)