Avatar 2 Beats Titanic: જેમ્સ કેમેરોનની 'Avatar 2' એ રચ્યો ઈતિહાસ, બોક્સ ઓફિસ પર 'Titanic' નો તોડ્યો રેકોર્ડ
Avatar The Way of Water beats Titanic: જેમ્સ કેમેરોનની 'Avatar: The Way of Water'એ કમાણીની દૃષ્ટિએ 'Titanic'નો રેકોર્ડ તોડી નાખ્યો છે અને સૌથી વધુ કમાણી કરનાર ત્રીજી ફિલ્મ બની ગઈ છે.
Avatar The Way of Water beats Titanic: પ્રખ્યાત ફિલ્મ નિર્માતા જેમ્સ કેમરોનની ફિલ્મ Avatar: The Way of Water વિશ્વભરમાં ધૂમ મચાવી રહી છે. આ ફિલ્મે તેની રિલીઝની સાથે જ બોક્સ ઓફિસ પર સુનામી લાવી દીધી હતી. હવે 'અવતાર 2' એ વધુ એક રેકોર્ડ પોતાના નામે કરી લીધો છે. આ ફિલ્મે 'ટાઈટેનિક'ના કલેક્શનનો રેકોર્ડ તોડી નાખ્યો છે અને વિશ્વની ત્રીજી સૌથી વધુ કમાણી કરનાર ફિલ્મ બની ગઈ છે.
અવતાર 2 એ વિશ્વભરમાં ખૂબ કમાણી કરી
BoxOfficeMojo.com મુજબ જેમ્સ કેમેરોનની ફિલ્મ અવતાર: ધ વે ઓફ વોટર એ વિશ્વભરમાં $2.2448 બિલિયનની કમાણી કરી છે, જ્યારે ટાઇટેનિકનું વૈશ્વિક કલેક્શન $2.2433 બિલિયન હતું. આ રીતે 'અવતાર 2' એ ટાઈટેનિકનો રેકોર્ડ તોડી નાખ્યો છે.
ટાઇટેનિક વર્ષ 1997માં રિલીઝ થઈ હતી
લિયોનાર્ડો ડી કેપ્રિયો અને કેટ વિન્સલેટની રોમેન્ટિક ફિલ્મ ટાઇટેનિક વર્ષ 1997માં રિલીઝ થઈ હતી. રસપ્રદ વાત એ છે કે તેના ડાયરેક્ટર બીજું કોઈ નહીં પણ જેમ્સ કેમેરોન પોતે છે. 'ટાઈટેનિક'ની રિલીઝના 25 વર્ષ પૂરા થવાના અવસર પર તે ફરી એકવાર દર્શકો માટે સિનેમાઘરોમાં રિલીઝ કરવામાં આવી છે.
તેની જ ફિલ્મનો રેકોર્ડ તોડ્યો
રસપ્રદ વાત એ છે કે જેમ્સ કેમેરોનની 'અવતાર', 'અવતાર 2', 'ટાઈટેનિક' વિશ્વભરમાં સૌથી વધુ કમાણી કરનારી ફિલ્મોમાં સામેલ છે. જો કે કમાણીની દ્રષ્ટિએ, 'અવતાર 2' હજી પણ માર્વેલ સ્ટુડિયોની મૂવી એવેન્જર્સ એન્ડગેમથી પાછળ છે, જેણે વિશ્વભરમાં $2.79 બિલિયનનું કલેક્શન કર્યું હતું.
અવતાર 3 ક્યારે રિલીઝ થશે?
જણાવી દઈએ કે 'અવતાર 2' 16 ડિસેમ્બરે સિનેમાઘરોમાં રિલીઝ થઈ છે. અહેવાલો અનુસાર જેમ્સ કેમેરોન આ ફ્રેન્ચાઇઝીના બાકીના ત્રણ ભાગ એક પછી એક રિલીઝ કરશે અને આ શ્રેણી વર્ષ 2028 સુધી ચાલુ રહેશે. કહેવામાં આવી રહ્યું છે કે 'અવતાર 3' (20 ડિસેમ્બર 2024), 'અવતાર 4' (18 ડિસેમ્બર 2026) અને છેલ્લો ભાગ 'અવતાર 5' 22 ડિસેમ્બર 2028ના રોજ રિલીઝ થશે. તેના ત્રીજા ભાગની રિલીઝની ચાહકો આતુરતાથી રાહ જોઈ રહ્યા છે.
આ પણ વાંચો: Shehzada Box Office Collection: કાર્તિક આર્યનની 'શેહજાદા' ફ્લોપ, પાંચમા દિવસે માત્ર આટલા કરોડની કમાણી
Shehzada Box Office Collection Day 5: 'ભૂલ ભુલૈયા 2' જેવી બ્લોકબસ્ટર ફિલ્મ આપનાર કાર્તિક આર્યનની લેટેસ્ટ રિલીઝ શહેજાદાને લોકોએ નકારી કાઢી છે. ફિલ્મને સિનેમાઘરોમાં દર્શકો નથી મળી રહ્યા. ટિકિટ બારી પરની ફિલ્મની હાલત અત્યારે ખૂબ જ ખરાબ થઈ ગઈ છે અને 'શહેજાદા' માટે તેની કિંમત વસૂલવી પણ મુશ્કેલ છે. ચાલો જાણીએ કે કાર્તિક આર્યનની લેટેસ્ટ રિલીઝ થયેલી ફિલ્મે પાંચમા દિવસે એટલે કે મંગળવારે કેટલું કલેક્શન કર્યું છે.
'શહેજાદા'એ પાંચમા દિવસે કેટલી કમાણી કરી?
ચાહકો કાર્તિક આર્યન અને કૃતિ સેનન અભિનીત ફિલ્મ 'શહેજાદા'ની આતુરતાથી રાહ જોઈ રહ્યા હતા, જોકે ફિલ્મ રિલીઝ થયા પછી દર્શકોને આકર્ષવામાં નિષ્ફળ રહી છે. આ ફિલ્મને બોક્સ ઓફિસ પર ખૂબ જ ઠંડો પ્રતિસાદ મળી રહ્યો છે. બીજી તરફ કમાણીની વાત કરીએ તો 'શહેજાદા'એ શરૂઆતના દિવસે 6 કરોડ રૂપિયાનું કલેક્શન કર્યું હતું. બીજા દિવસે ફિલ્મે 6.65 કરોડ રૂપિયાની કમાણી કરી હતી જ્યારે ત્રીજા દિવસે 'શહેજાદા'એ 7.55 કરોડ રૂપિયાનું કલેક્શન કર્યું હતું. બીજી તરફ ચોથા દિવસે એટલે કે સોમવારે ફિલ્મે માત્ર 2.25 કરોડ રૂપિયાની કમાણી કરી છે. હવે મંગળવારે એટલે કે રિલીઝના પાંચમા દિવસના પ્રારંભિક આંકડા પણ આવી ગયા છે. જે મુજબ ફિલ્મે પાંચમા દિવસે માત્ર 2 કરોડ રૂપિયાનું કલેક્શન કર્યું છે. આ સાથે જ ફિલ્મનું કુલ કલેક્શન 24.45 કરોડ રૂપિયા થઈ ગયું છે.
'શહેજાદા' અલ્લુ અર્જુનની તેલુગુ ફિલ્મની રિમેક છે
રોહિત ધવન દિગ્દર્શિત 'શહજાદા'માં કાર્તિક અને કૃતિ ઉપરાંત રોનિત રોય, મનીષા કોઈરાલા, પરેશ રાવલ અને સચિન ખેડેકર પણ મહત્વની ભૂમિકામાં છે. 'શેહજાદા' સુપરસ્ટાર અલ્લુ અર્જુનની તેલુગુ ફિલ્મ 'આલા વૈકુંઠપુરમુલુ'ની સત્તાવાર હિન્દી રિમેક છે. કાર્તિકની આ ફિલ્મ પાસેથી ચાહકોને ઘણી અપેક્ષાઓ હતી, પરંતુ આ ફિલ્મ તે અપેક્ષાઓ પર ખરી ઉતરી શકી નથી.
ટ્રેન્ડિંગ સમાચાર
ટોપ સ્ટોરી
