હવે સુનીલ ગ્રોવર જોવા મળશે નવા અવતારમાં, આ ફિલ્મમાં બનશે સલમાન ખાનનો મિત્ર

આ ફિલ્મમાં સલમાન એક એવા વ્યક્તિનો રોલ કરશે જે 18થી 70 વર્ષ સુધીની સફર કાપશે. ફિલ્મમાં સલમાન 5 પાત્રમાં જોવા મળશે. એજ રિડક્શન ટેક્નિકથી સલમાનની ઉંમર ઘટાડવામાં આવશે. આ ફિલ્મમાં સલમાનનો લૂક ફિલ્મ ‘મેને પ્યાર કિયા’ જેવો યંગ હશે.

આ ફિલ્મને અલી અબ્બાસ ઝફર ડાયરેક્ટ કરે છે. આ પહેલા સલમાન સુનીલ સાથે કૉમેડી શો સુપર નાઈટ વિથ ટ્યૂબલાઈટમાં જોવા મળ્યા છે. આ પહેલા સુનીલ ‘ગજની’, ‘હીરોપંતી’, ‘બાગી’, ‘ગબ્બર ઈઝ બેક’ અને ‘લીજેંડ ઓફ ભગતસિંહ’ જેવી હિટ ફિલ્મોમાં જોવા મળ્યા છે. ફિલ્મ ભારતમાં સલમાન અને પ્રિયંકા 8 વર્ષ બાદ સાથે કામ કરશે.