આજે મુંબઈમાં યોજાશે દીપિકા-રણવીરનું ગ્રાન્ડ રિસેપ્શન, પ્રિયંકા-નિક સહિતના સેલેબ્સ થશે સામેલ, જાણો વિગત

મુંબઈઃ રણવીર સિંહ અને દીપિકા પાદુકોણ આજે મુંબઈમાં ભવ્ય રિસેપ્શન આપશે. ઈટાલીના લેક કોમોમાં 14 અને 15 નવેમ્બરે લગ્ન કર્યા બાદ આ કપલ મુંબઈની ગ્રાન્ડ હયાત હોટલમાં રિસેપ્શન આપવાના છે. રણવીર અને દીપિકાએ તેમના લગ્નમાં બોલીવુડ સેલેબ્સને આમંત્રણ આપ્યું નહોતું. પરંતુ આજે મુંબઈમાં યોજાનારા ગ્રાન્ડ રિસેપ્શનમાં બોલીવુડના અનેક જાણીતા ચહેરા સામેલ થશે.

દીપિકાની ખાસ મિત્ર પ્રિયંકા ચોપરા થોડા દિવસો બાદ મંગેતર નિક જોનાસ સાથે લગ્ન કરવાની છે. હાલ નિક અને પ્રિયંકા બંને મુંબઈમાં જ છે. તેથી તેઓ બંને દીપિકા-રણવીરના રિસેપ્શનમાં ખાસ મહેમાન બનીને પહોંચે તેવી અટકળો થઈ રહી છે. પ્રિયંકા માત્ર દીપિકાની જ નહીં રણવીરની પણ સારી મિત્ર છે.