Waah Bhai Waah: 'તારક મહેતા કા ઉલ્ટા ચશ્મા' છોડ્યા બાદ આ શોમાં જોવા મળશે Shailesh Lodha, વીડિયો આવ્યો સામે
તારક મહેતા કા ઉલ્ટા ચશ્મા (taarak mehta ka ooltah chashmah)સિરિયલ ઘણા વર્ષોથી દર્શકોનું મનોરંજન કરી રહી છે. આ શોના દરેક પાત્રે દર્શકોનું દિલ જીતી લીધું છે.
Shailesh Lodha New Show: તારક મહેતા કા ઉલ્ટા ચશ્મા (taarak mehta ka ooltah chashmah)સિરિયલ ઘણા વર્ષોથી દર્શકોનું મનોરંજન કરી રહી છે. આ શોના દરેક પાત્રે દર્શકોનું દિલ જીતી લીધું છે. જેઠાલાલથી લઈને તારક મહેતા સુધીનું દરેક પાત્ર ઘર-ઘર લોકપ્રિય છે. આ શોમાં તારક મહેતાનું પાત્ર ભજવનાર શૈલેષ લોઢા આજકાલ હેડલાઈન્સનો હિસ્સો છે. જો રિપોર્ટ્સનું માનીએ તો શૈલેષે શોને અલવિદા કહી દીધું છે. શૈલેષના શો છોડવાથી ચાહકો દુખી છે. જોકે, શોના મેકર્સ અને શૈલેષ લોઢાનું સત્તાવાર નિવેદન હજુ આવ્યું નથી. આ દરમિયાન શૈલેષ લોઢાના નવા શોનો પ્રોમો સામે આવ્યો છે.
શૈલેષ લોઢા એક શો હોસ્ટ કરવા જઈ રહ્યા છે અને આ શોનો પ્રોમો સામે આવ્યો છે. આ શોનું નામ વાહ ભાઈ વાહ છે. આ શોનો પ્રોમો શેમારૂ ટીવી દ્વારા સોશિયલ મીડિયા પર શેર કરવામાં આવ્યો છે. પ્રોમો શેર કરતી વખતે તેણે લખ્યું- વાહ ભાઈ! જો તમે જાણો છો, તો આ કોણ છે, જે એક નવો શો લઈને આવી રહ્યું છે?
શૈલેષ લોઢા હોસ્ટ કરશે
પ્રોમોમાં શૈલેષનો સાઈડ ચહેરો દેખાઈ રહ્યો છે. તે કહે છે તૈયાર રહો, અમે જલ્દી આવી રહ્યા છીએ. આ શો વિશે હજુ વધુ માહિતી સામે આવી નથી. જો રિપોર્ટ્સનું માનીએ તો શૈલેષની સાથે આ શોમાં વધુ 3 કવિઓ જોવા મળશે. આ શો કવિ સંમેલનની જેમ બતાવવામાં આવશે.
તારક મહેતા કા ઉલ્ટા ચશ્મા વિશે વાત કરીએ તો શૈલેષ લોઢા આ શો સાથે 14 વર્ષથી જોડાયેલા હતા. આ શોમાં તારક મહેતાના પાત્રથી તેને એક અલગ ઓળખ મળી હતી. લોકો તેમની અને જેઠાલાલની મિત્રતાના દાખલા આપતા. શૈલેશે શો છોડવાનું સાચું કારણ હજુ સુધી બહાર આવ્યું નથી. શો છોડવાના સમાચાર વચ્ચે શૈલેષની તાજેતરની એક પોસ્ટ પણ વાયરલ થઈ હતી. જેને જોયા બાદ ફેન્સ કહેવા લાગ્યા કે તેઓ શો વિશે કંઈક કહેવા માંગે છે.
ટ્રેન્ડિંગ સમાચાર
ટોપ સ્ટોરી
