ICC Rankings: ટેસ્ટમાં ટોપ પર પહોંચ્યું ઓસ્ટ્રેલિયા, ટી-20 અને વન-ડેમાં ટીમ ઇન્ડિયાનો દબદબો યથાવત
ICC Rankings: ભારતને પછાડીને ઓસ્ટ્રેલિયન ટીમ ICC ટેસ્ટ રેન્કિંગમાં ટોપ પર આવી ગઈ છે
Indian Cricket Team, ICC Rankings: ICC ટેસ્ટ રેન્કિંગમાં ટીમ ઈન્ડિયાને મોટો ઝટકો લાગ્યો છે. વાસ્તવમાં ભારતને પછાડીને ઓસ્ટ્રેલિયન ટીમ ICC ટેસ્ટ રેન્કિંગમાં ટોપ પર આવી ગઈ છે. જોકે, ભારતીય ટીમ વન-ડે અને ટી-20 રેન્કિંગમાં પોતાનું વર્ચસ્વ જાળવી રાખ્યું છે. ICC ODI અને T20 રેન્કિંગમાં ટીમ ઈન્ડિયા ટોપ પર યથાવત છે, પરંતુ ટેસ્ટ ફોર્મેટમાં કાંગારૂઓએ ભારતને મોટો ઝટકો આપ્યો છે.
Australia on 🔝
— ICC (@ICC) May 3, 2024
Reigning World Test Championship winners overtake India to claim the No.1 position on the ICC Men’s Test Team Rankings after the annual update.https://t.co/rl0Ju11fNu
ICC ટેસ્ટ રેન્કિંગમાં કેટલો બદલાવ આવ્યો છે?
ICC ટેસ્ટ રેન્કિંગમાં ઓસ્ટ્રેલિયા 124 રેટિંગ પોઈન્ટ સાથે ટોચ પર છે. ભારતીય ટીમ 120 રેટિંગ પોઈન્ટ સાથે બીજા સ્થાને છે. આ રીતે ભારત અને ઓસ્ટ્રેલિયા વચ્ચે 4 રેટિંગ પોઈન્ટનો તફાવત છે. જ્યારે ઈંગ્લેન્ડની ક્રિકેટ ટીમ 105 રેટિંગ પોઈન્ટ સાથે ઓસ્ટ્રેલિયા અને ભારત પછી ત્રીજા સ્થાને છે. દક્ષિણ આફ્રિકા 103 રેટિંગ પોઈન્ટ સાથે ચોથા સ્થાને છે. આ ટોપ-4 ટીમો સિવાય બાકીની ટીમોના રેટિંગ પોઈન્ટ 100થી ઓછા છે. વાસ્તવમાં ભારતીય ટીમે 2020-21ની ટેસ્ટ શ્રેણીમાં ઓસ્ટ્રેલિયાને 2-1થી હરાવ્યું હતું, પરંતુ હવે આ ટેસ્ટ શ્રેણીને રેન્કિંગમાંથી હટાવી દેવામાં આવી છે. જેના કારણે ભારતીય ટીમને પરિણામ ભોગવવું પડ્યુ હતુ.
ટીમ ઈન્ડિયાનો વન-ડે અને ટી-20 ફોર્મેટમાં દબદબો યથાવત
જો કે, ભારતીય ચાહકો માટે સારા સમાચાર છે કે ટીમ ઈન્ડિયા ICC ODI અને T20 ફોર્મેટમાં ટોચ પર છે. આ બંને ફોર્મેટમાં ભારતીય ટીમનો દબદબો યથાવત છે. તાજેતરમાં જ ICC ODI વર્લ્ડ કપની ફાઇનલમાં ઓસ્ટ્રેલિયાએ ભારતને હરાવ્યું હતું. પરંતુ તેમ છતાં ટીમ ઈન્ડિયા વન-ડે ફોર્મેટમાં ટોપ પર છે.
ટ્રેન્ડિંગ સમાચાર
ટોપ સ્ટોરી
