ટીવી સિરીયલ ઉતરણની એક્ટ્રેસ ટીના દત્તા સાથે ફ્લાઈટમાં છેડતી, કોઈ મદદ માટે આગળ પણ ન આવ્યુ

આ ધટના બાદ ટીના દત્તાએ ભારતમાં મહિલાઓની સુરક્ષાને લઈને સવાલો ઉઠાવ્યા છે. ટીનાએ કહ્યું તેના પરિવાર સાથે આવી ધટના બની હોત તો શુ તેઓ શાંત રહી શકે છે. તે સમયે મારા પરિવાર સિવાય કોઈએ પણ મારી મદદ ન કરી. ખૂબ જ લાંબી ચર્ચા ચાલી પરંતુ મારી મદદ માટે કોઈ આગળ ન આવ્યું.

ટીનાએ કહ્યું તેણે એર હોસ્ટેસ પૂજા અને અભિષેકને બોલાવ્યા અને આ મામલે જાણ કરી, પરંતુ તેઓ મારી વાત સાંભળવા માટે તૈયાર ન હતા. તેઓ કહેવા લાગ્યા કે અમે તેની સીટ બદલી આપીએ છીએ. હુ ઈચ્છતી હતી કે તે વ્યક્તિ ને ઉતારવામા આવે, પરંતુ મને કહેવામા આવ્યું કે તો મારે પણ ફરીયાદ કરવા માટે ઉતરવું પડશે, ત્યારે મે કેપ્ટન સાથે વાત કરવાની માંગ કરી. ધણી મુશ્કેલીઓ બાદ મને તેમની સાથે વાત કરવા દેવામાં આવી, પરંતુ તેમનું વર્તન જરા પણ સારૂ ન હતું. તેમણે કહ્યું આ મામલો ટેકઓફ થયા પહેલાનો છે, જેના કારણે તે કઈ નહી કર શકે. ટેકઓફ થવા બાદ ધટના બની હોત તો તે જવાબદાર હતા.