છૂટાછેડા લેવા માંગતી હતી આ બોલિવૂડ એક્ટ્રેસ, હવે ત્રીજી વખત બનશે માતા

થોડા સમય પહેલા રંભાના લગ્નજીવનમાં ભંગાણ થયાના અહેવાલ આવ્યા હતા. કહેવામાં આવી રહ્યું હતું કે રંભા પતિને છૂટાછેડા આપવા માંગે છે. જોકે પાછળથી રંભાએ આ સમાચારોનું ખંડન કરતા અફવા ગણાવી હતી.

રંભાએ આઠ વર્ષ પહેલા 2010માં ઈંદ્ર કુમાર પદ્મનાથન સાથે લગ્ન કર્યા હતા. તેના પતિ મેજિકવૂડ્સના ચીફ એક્ઝિક્યૂટિવ ઓફિસર છે. લગ્ન બાદ રંભા ટોરેન્ટોમાં રહેતી હતી. લાન્યા અને સાશા રંભાની પુત્રીઓ છે. હવે તે ત્રીજી વખત માતા બનાવી જઈ રહી છે. હાલમાં જ તેણે પોતાના ફેન્સ સાથે માતા બનવાની વાત શેર કરી હતી.