સૈફ પર હુમલાની રાત્રે શું થયું હતું? કરીના કપૂરે 1613 પેજની ચાર્જશીટમાં ઘટનાક્રમનો કર્યો ખુલાસો
Saif Ali Khan Stabbing Case: સૈફ પર હુમલાની રાત્રે શું થયું હતું? કરીના કપૂરે 1613 પેજની ચાર્જશીટમાં તમામ વિગતોનો ખુલાસો કર્યો છે.
Saif Ali Khan Stabbing Case: મુંબઈની બાંદ્રા પોલીસે સૈફ અલી ખાન છરાબાજી કેસમાં મેટ્રોપોલિટન મેજિસ્ટ્રેટ કોર્ટમાં ચાર્જશીટ દાખલ કર્યાના દિવસો બાદ હવે વિગતો બહાર આવી છે. આ મુજબ 16 જાન્યુઆરીએ જ્યારે બોલિવૂડ એક્ટર સૈફ અલી ખાન પોતાના ઘરે છરીથી હુમલાખોર સાથે લડી રહ્યો હતો ત્યારે તેની પત્ની અને બોલિવૂડ એક્ટ્રેસ કરીના કપૂર ખાને તેને હુમલાખોરને છોડી દેવા અને તેની સુરક્ષા અને સારવારને પ્રાથમિકતા આપવા વિનંતી કરી હતી.
કરીના કપૂરે પોલીસને આપેલા પોતાના નિવેદનમાં આ વાત કહી હતી જેને ચાર્જશીટનો ભાગ બનાવવામાં આવ્યો છે. બાંદ્રા પોલીસે આ મામલામાં ધરપકડ કરાયેલા આરોપી બાંગ્લાદેશી નાગરિક મોહમ્મદ શરીફુલ ફકીર વિરુદ્ધ 1,613 પેજની ચાર્જશીટ દાખલ કરી છે.
ચાર્જશીટ મુજબ, કરીનાએ પોતાના નિવેદનમાં શું કહ્યું?
ચાર્જશીટ મુજબ, કરીના તેની મિત્ર રિયા કપૂરને મળ્યા બાદ 16 જાન્યુઆરીએ સવારે 1:20 વાગ્યે ઘરે પરત ફરી હતી. લગભગ 2 વાગ્યાની આસપાસ જુનુ (જહાંગીરની દીદી) અમારા રૂમમાં આવી બૂમો પાડતી હતી કે, 'એક વ્યક્તિ જૈબાબાના રૂમમાં હાથમાં છરી લઈને આવ્યો છે અને પૈસા માંગી રહ્યો છે." કરીના અને સૈફ જહાંગીરના રૂમમાં દોડી ગયા અને આરોપી હુમલાખોરને જોયો. ચાર્જશીટ મુજબ, સૈફે તેનો સામનો કર્યો અને પૂછ્યું, બંને વચ્ચે ઝપાઝપી થઈ.
હુમલાખોરે સૈફ પર ચાકુ વડે હુમલો કર્યો હતો
કરીનાએ કહ્યું, "સૈફે હુમલાખોરને પોતાના હાથમાં પકડી રાખ્યો હતો, પરંતુ હુમલાખોરે તેની ગરદન, પીઠ અને હાથ પર ચાકુ વડે હુમલો કર્યો હતો." ચાર્જશીટમાં જણાવવામાં આવ્યું છે કે ગીતા નામની અન્ય એક આયા સૈફની મદદ માટે દોડી આવી હતી પરંતુ હુમલાખોરે તેના પર પણ હુમલો કર્યો હતો અને તેના હાથ પર ઈજાઓ થઈ હતી.
સૈફ પર હુમલા બાદ કરીનાએ શું કહ્યું?
જ્યારે સૈફ હુમલાખોરને પકડવાનો શ્રેષ્ઠ પ્રયાસ કરી રહ્યો હતો, ત્યારે અમારા નોકર હરિ, રામુ, રમેશ અને પાસવાન મદદ કરવા આવ્યા હતા. અમે બધાએ હુમલાખોરને શોધવાનો પ્રયાસ કર્યો, પરંતુ અમે તેને ક્યાંય શોધી શક્યા નહીં. તે સમયે સૈફની સારવાર વધુ જરૂરી હોવાથી મેં કહ્યું - 'આ બધું છોડો, પહેલા નીચે આવો, ચાલો હોસ્પિટલ જઈએ.' અમે બધા જીવ બચાવવા લિફ્ટમાંથી નીચે ઉતર્યા."
હરિ સૈફને ઓટો-રિક્ષામાં લીલાવતી હોસ્પિટલ લઈ ગયો, તૈમૂર પણ તેની સાથે હતો. બાદમાં કરીનાએ મદદ માટે તેની બહેન કરિશ્મા કપૂર અને મેનેજર પૂનમ દમણિયાનો સંપર્ક કર્યો. તેના મેનેજરના પતિ, તેજસ દમણિયાએ પોલીસને આ બાબતની જાણ કર્યા પછી, અધિકારીઓ પહોંચ્યા અને પરિસરમાં અને આસપાસ હુમલાકોરની શોધખોળ કરી પરંતુ હુમલાખોરનો કોઈ પત્તો મળ્યો ન હતો.
સૈફ પર 16 જાન્યુઆરીએ હુમલો થયો હતો
ઉલ્લેખનિય છે કે, . આરોપી મોહમ્મદ શરીફુલ ઈસ્લામ શાહજાદની થોડા દિવસો પછી ધરપકડ કરવામાં આવી હતી અને તે હાલમાં જેલમાં છે. એસ પર સૈફ અલી ખાનના મુંબઈના આવાસમાં લૂંટના ઈરાદાથી પ્રવેશવાનો આરોપ છે. તેમના પર અભિનેતા અને તેના સ્ટાફ મેમ્બર પર લાકડાના હથિયાર અને બ્લેડ વડે હુમલો કરવાનો પણ આરોપ હતો
કરીનાએ પછી બૂમ પાડી - "જૈબાબા (જહાંગીરને) જલ્દીથી બહાર કાઢો," કરીના જહાંગીર, તૈમુર અને અલીમ્મા સાથે બારમા માળના રૂમમાં દોડી ગઈ. થોડી વાર પછી, સૈફ બારમા માળે રૂમમાં આવ્યો, તેના કપડાં લોહીથી લથપથ અને તેની પીઠ અને ગરદન પર ઘા હતા.
ટોપ સ્ટોરી
ટ્રેન્ડિંગ સમાચાર
