Sonyએ લોન્ચ કર્યો 4K HDR ડિસ્પ્લેવાળો વિશ્વનો પ્રથમ ફોન Xperia XZ Premium, 19MP સાથે આવશે ફોન

નવી દિલ્હીઃ ભારતીય સ્માર્ટફોન બજારમાં વધતી પ્રતિસ્પર્ધાને ધ્યાનમાં રાખતા જાપાનની ઇલેક્ટ્રોનિક્સ કંપની Sonyએ Xperia XZ Premium હેન્ડસેટ લોન્ચ કર્યો છે. 4K HDR ડિસ્પ્લેવાળો આ વિશ્વનો પ્રથમ સ્માર્ટફોન છે. Sonyના આ હેન્ડસેટમાં 5.5 ઇંચની 4કે (2160X3840 પિક્સલ) રિઝોલ્યૂશન હાઈ ડાયનેમિક રેન્જ (એચડીઆર) ડિસ્પ્લે છે. 2 થી 9 જૂનની વચ્ચે ફોનનું પ્રી-બુકિંગ કરવામાં આવશે, આની કિંમત 59,990 રૂપિયા છે. પ્રી-બુકિંગ કરાવનારા કસ્ટમર્સને કંપની 8,990 રૂપિયાના બ્લૂટૂથ ફ્રી આપશે.

ફોનને અમેઝોનની સાથે સોનીના રિટેલ સ્ટૉર પરથી પ્રી-બુક કરાવી શકાશે. આ ફોન 12 જૂનથી બધા માટે અવેલેબલ થઇ જશે. આ ફોનની ડિસ્પ્લે 5.5 ઇંચની છે. ડિસ્પ્લેમાં કંપનીની ટ્રાઇ લ્યૂમિનસ ટેકનોલૉજીનો યૂઝ કરવામાં આવ્યો છે. આમાં યૂઝરને હેન્ડસેટ ચલાવવામાં બેસ્ટ એક્સપીરિયન્સ મળશે.