‘તમારા કામથી કામ રાખો...’ ટ્રમ્પની ફોટો ટિપ્પણી પર ઇટાલીના PM મેલોની ભડકી, જાણો શું કહ્યું...

ટ્રમ્પે કહ્યું હતું કે મેલોની લોકપ્રિયતા વધારવા મારી સાથે ફોટો પડાવવા માંગતા હતા; ઇટાલીના પીએમએ આપ્યો જડબાતોડ જવાબ- મારી લોકપ્રિયતાને તમારી સાથે કોઈ લેવાદેવા નથી.

giorgia meloni donald trump photo controversy western unity update

Source : ai

Show Quick Read

Key points generated by AI, verified by newsroom

• ટ્રમ્પે મેલોનીએ ફોટો પડાવવા વિનંતી કર્યાનો દાવો કર્યો.
• મેલોનીએ ટ્રમ્પના દાવાને નકારી, અર્થહીન ગણાવ્યો.
• મેલોનીએ ટ્રમ્પને પોતાની લોકપ્રિયતા જોવા સલાહ આપી.

Trump Meloni photo row: અમેરિકાના રાષ્ટ્રપતિ ડોનાલ્ડ ટ્રમ્પ અને ઇટાલીના વડાપ્રધાન જ્યોર્જિયા મેલોની વચ્ચે અત્યારે એક મોટું શબ્દયુદ્ધ શરૂ થઈ ગયું છે. ફ્રાન્સમાં થયેલી એક મુલાકાત દરમિયાન ફોટો પડાવવાની બાબતને લઈને ટ્રમ્પે કરેલી ટિપ્પણી પર મેલોનીએ આકરા શબ્દોમાં પ્રતિક્રિયા આપી છે. મેલોનીએ સ્પષ્ટ શબ્દોમાં ટ્રમ્પને સલાહ આપી છે કે તેઓ ખોટા નિવેદનો આપવાને બદલે પોતાના કામ પર ધ્યાન આપે. આખો વિવાદ હાલ સોશિયલ મીડિયા અને આંતરરાષ્ટ્રીય સ્તરે ભારે ચર્ચાનો વિષય બન્યો છે.

ટ્રમ્પનો શું હતો આરોપ?

થોડા સમય પહેલા અમેરિકન રાષ્ટ્રપતિ ડોનાલ્ડ ટ્રમ્પે ઇટાલીના પીએમ જ્યોર્જિયા મેલોની પર કટાક્ષ કર્યો હતો. ટ્રમ્પે દાવો કર્યો હતો કે, ફ્રાન્સમાં થયેલી એક બેઠક દરમિયાન મેલોની વારંવાર તેમની સાથે ફોટો પડાવવા માટે વિનંતી કરી રહ્યા હતા. ટ્રમ્પના કહેવા મુજબ, મેલોની પોતાની સતત ઘટી રહેલી લોકપ્રિયતાને વધારવા અને લોકોનું ધ્યાન ખેંચવા માટે આમ કરી રહ્યા હતા.

મેલોનીએ આપ્યો રોકડો જવાબ

ટ્રમ્પના આ દાવા પર ગિન્નાયેલા જ્યોર્જિયા મેલોનીએ શનિવારે કડક ભાષામાં વળતો જવાબ આપ્યો. તેમણે કહ્યું કે, રાષ્ટ્રપતિ ટ્રમ્પ કોઈ પણ કારણ વગર સતત અર્થહીન અને પાયાવિહોણા નિવેદનો આપી રહ્યા છે. મેલોનીએ સ્પષ્ટ કર્યું કે, "તમારા મિત્ર બનવાથી મને કોઈ ફાયદો થયો નથી, અને મારી લોકપ્રિયતા તમારી સાથેના મારા સંબંધો પર જરાય નિર્ભર નથી."

આ પણ વાંચોઃ ઈરાને ફરી બંધ કર્યું 'હોર્મુઝ સ્ટ્રેટ', અમેરિકા-ઈઝરાયેલ પર લગાવ્યો વિશ્વાસઘાતનો આરોપ

ઇન્સ્ટાગ્રામ પોસ્ટમાં મેલોનીએ શું લખ્યું?

પોતાના ઇન્સ્ટાગ્રામ એકાઉન્ટ પર ટ્રમ્પની પોસ્ટનો સ્ક્રીનશોટ શેર કરતા મેલોનીએ એક લાંબી પોસ્ટ લખી છે, જેમાં તેમણે નીચે મુજબની મહત્વની વાતો કહી:

"મારી લોકપ્રિયતા ઇટાલીના રાષ્ટ્રીય હિતોનું રક્ષણ કરવાની મારી ક્ષમતા પર આધાર રાખે છે, અને મેં હંમેશા તે જ કર્યું છે."

ઇટાલીમાં આવેલા યુએસ મિલિટરી બેઝનો ઉલ્લેખ કરતા તેમણે કહ્યું, "અમે હંમેશા અમેરિકા સાથેના કરારોનું સન્માન કર્યું છે. જ્યાં સુધી હું વડાપ્રધાન છું, ત્યાં સુધી તેનું ઉલ્લંઘન થઈ શકે નહીં. પણ યાદ રહે કે ઇટાલી એક સાર્વભૌમ દેશ છે."

"ગમે તે થાય, મારી લોકપ્રિયતાને તમારી સાથે કોઈ લેવાદેવા નથી. હું તમને સલાહ આપું છું કે તમે તમારી પોતાની લોકપ્રિયતા પર ધ્યાન કેન્દ્રિત કરો."

પોતાની વાત પૂરી કરતા મેલોનીએ લખ્યું કે, "આ ડોનાલ્ડ ટ્રમ્પની પોસ્ટનો મારો છેલ્લો પ્રતિભાવ છે. હું પશ્ચિમી એકતામાં માનું છું, તેથી આ વિષય પર ફરી કોઈ ચર્ચા નહીં કરું. મને નથી લાગતું કે આવો તમાશો આપણા દેશોના કોઈ કામમાં આવે."

આ પણ વાંચોઃ વેનેઝુએલા-ઈરાન પછી અમેરિકાના નિશાના પર કયો દેશ? ડોનાલ્ડ ટ્રમ્પના ઈન્ટરવ્યુથી ખળભળાટ