ગાંધીનગરમાં કોર્પોરેટર અંકિત બારોટનું અપહરણ? કોંગ્રેસે ભાજપ પર શું લગાવ્યો આરોપ, જાણો વિગત

કોંગ્રેસે આક્ષેપ કર્યો હતો કે, ભાજપના પૂર્વ ધારાસભ્ય અશોક પટેલના ભત્રીજા કેતન પટેલનાં પત્ની પણ મેયર પદની હોડમાં હોવાને કારણે અંકિત બારોટનું અપહરણ કરવામાં આવ્યું છે. કોંગ્રેસ દ્વારા મેયર પદની ચૂંટણી બંધ રાખવાની માગ કરાઈ છે. જોકે, ભાજપ દ્વારા કોંગ્રેસના તમામ આક્ષેપોને પાયા વિહોણા ગણાવીને ફગાવી દેવાયા છે. પોલીસે ફરિયાદ નોંધીને આગળની કાર્યવાહીના ભાગરૂપે અંકિત બારોટની શોધખોળ શરૂ કરી દીધી છે.

કોંગ્રેસના ધારાસભ્ય સીજે ચાવડાએ ભાજપા પર આરોપ લગાવતા કહ્યું કે, ભાજપના પૂર્વ ધારાસભ્ય અશોક પટેલના ભત્રીજા ચેતન પટેલ દ્વારા અંકિત બારોટનું અપહરણ કરવામાં આવ્યું છે. અંકિતના મામાના દિકરા કેતન પટેલ અને ગીરીશ મગન પટેલ 5 મીનિટનું કામ છે કહીને લઈ ગયો હતો. ત્યાર બાદ તેનો ફોન સ્વીચ ઓફ કરીને અજાણ્યા સ્થળે અંકિત બારોટને ગોંધી રાખવામાં આવ્યો છે.