GCMMFના ચેરમેનની આવતીકાલે ચૂંટણી, જાણો ભાજપના કયા નેતા છે દાવેદાર?

જીસીએમએમએફ હેઠલ કુલ 18 સભ્યોનું યુનિયન આવેલું છે. 36 લાખ દૂધ ઉત્પાદકોને સાંકળી લેતા 18 સભ્યોનું યુનિયન 33 જિલ્લાઓ આવરી લે છે. જીસીએમએમએફ અમૂલ નામથી વધુ પ્રચલિત છે. 10 હજાર ડીલરો અને 10 લાખ રીટેલર્સ સાથેનું સૌથી મોટું નેટવર્ક ધરાવે છે.

GCMMF સાથે જોડાયેલી મંડળીઓના ચેરમેનોની બેઠક ગાંધીનગરમાં મળી હતી. જેમાં GCMMFના ચેરમેન તરીકે શંકર ચૌધરીની નિમણુંક થાય તેવા પ્રયાસો તેજ થયા છે. આ બેઠકમાં સરકારના મંત્રી કૌશિક પટેલ અને ભુપેંદ્રસિંહ ચુડાસમા હાજર રહ્યા. ફેડરેશનના ચેરમેન અને વાઈસ ચેરમેનની ચૂંટણી 29મીએ યોજાવાની છે. આ માટે જાહેરનામું બહાર પાડી દીધું છે.