કલોલના લિંબોદરા ગામે દલિત યુવક પર હુમલાનો મામલો, FSLમાં થયો મોટો ખુલાસો

બનાવને લઇને દિગંતે કહ્યુ કે ગત 25મીના રોજ ગામના જ રાહુલ વિક્રમસિંહ વાઘેલા અને મયુર અજીતસિંહ વાઘેલાએ મારા ભાઇ ઉપર મૂછો રાખવાની બાબતને લઇને હુમલો કર્યો હતો. ત્યારે ધમકી આપી હતી કે જો તમે લોકો ઘરની બહાર નિકળ્યા છો તો જાનથી મારી નાખીશ. ત્યારે મયુરને પોલીસે ઝડપી લીધો છે. પરંતુ રાહુલ હજુ ફરાર છે ત્યારે મને તેના ઉપર શંકા છેકે આ હુમલો તેને જ કર્યો હશે

ગંભીર રીતે ઘાયલ થયેલા યુવાનને તાબડતોબ સારવાર અર્થે ગાંધીનગરની સિવિલ હોસ્પિટલમાં ખસેડવામાં આવ્યો હતો. બનાવની જાણ પોલીસને થતા પોલીસ સિવિલ હોસ્પિટલ દોડી ગઈ હતી. અને ફરિયાદ લેવાની તજવીજ હાથ ધરી હતી. તેમજ કયા કારણોસર યુવાન પર હુમલો કરવામાં આવ્યો તથા અજાણ્યા બાઈક સવારો કોણ હતા તે દિશામાં તપાસ ચલાવી છે.