Jamnagar news: જામનગરમાં મહિલા સશક્તિકરણના દાવાની ખુલ્લી પોલ
જામનગરમાં મહિલા સશક્તિકરણના દાવાની ખુલ્લી પોલ. જામનગર જિલ્લા પંચાયતની સામાન્ય સભામાં અલગ જ દ્રશ્યો જોવા મળ્યા. ભાજપ, કોંગ્રેસ અને આપના ચૂંટાયેલા મહિલા સભ્યોના પતિદેવો સભામાં હાજર રહ્યા. હદ તો ત્યારે થઈ જ્યારે એક મહિલા સભ્યના પતિએ પત્નીની જગ્યાએ રજૂઆત કરી. જીલ્લા પંચાયત પ્રમુખ રંજનબેન જીવાણીના પતિ ડી.ડી.જીવાણીથી માંડીને ચૂંટાયેલ મહિલા સભ્યોના પતિદેવો હાજર રહ્યા. હદ ત્યારે થઇ ગઈ જયારે કાલાવડ તાલુકાની નિકાવા બેઠક પરથી ચૂંટાયેલ ઉર્મિલાબેન મારવીયા હાજર હતા. પણ તેમના બદલે તેમના પતિદેવ જયંતીભાઈએ સભામાં વિવિધ મુદ્દાઓ પર મનભરીને ચર્ચાઓ કરી. જેને રોકનાર ના તો પ્રમુખ, ઉપપ્રમુખ કે અધિકારી હતા.. જયારે આ મામલે ઉપપ્રમુખનું કહેવું છે કે આ અંગે અધિકારીને ધ્યાને મૂક્યું હતું.. જો કે દરેક મહિલા સભ્યોના પતિઓને સભામાં ભાગ લેવામાં રસ છે... તેથી ના તો ભાજપ.... ના કોંગ્રેસ કે.... ના આપ... કોઈપણ એકબીજાનો આ મામલે વિરોધ કરવાના મુડમાં નથી. તેવું સ્પષ્ટ થાય છે.
ટોપ સ્ટોરી
ટ્રેન્ડિંગ સમાચાર
