પ્રભાતિયા-લગ્નગીતોથી જાણીતા થયેલા ગુજરાતી સિંગરનું ઓસ્ટ્રેલિયામાં થયું નિધન, જાણો વિગત

મીના પટેલે ‘મેં કાનુડા તોરી ગોવાલણ’, ‘અખંડ રોજી હરીનાં હાથમાં’, ‘પઢો રે પોપટ રાજા રામના’ અને ‘જાગને જાદવા શ્રીકૃષ્ણ ગોવાળીયા’ સહિતના જેવા પ્રભાતિયા ગાયા હતા.

મીના પટેલ છેલ્લા 30 વર્ષથી ગુજરાતી લોકસંગીત ક્ષેત્રે સેવા આપી રહ્યા હતા. મીના બહેન અમરેલી જિલ્લાનાં વતની હતા. તેમને રાજ્ય સરકાર દ્વારા ગૌરવ પુરસ્કારથી સમ્માનિત પણ કરવામાં આવ્યા હતા.

મીના પટેલનાં મધુર સ્વરમાં ગવાયેલા પ્રભાતિયા, ભજનો અને લગ્નગીતો આજે પણ લોકોને ઘણાં જ પ્રખ્યાત છે. મીના પટેલ ગુજરાતી સંગીતની દુનિયામાં જાણીતું નામ હતું. ઓસ્ટ્રેલિયામાં ટૂંકી બીમારી બાદ તેમનું અવસાન થયું હતું.

અમદાવાદ: છેલ્લા કેટલાક વર્ષોથી ઓસ્ટ્રેલિયામાં રહેતા જાણીતા ગુજરાતી ગાયિકા મીના પટેલનું 56 વર્ષની વયે વિધન થયું હતું. મીના પટેલ પ્રભાતિયા અને લગ્ન ગીતોને લઈને જાણીતા હતા.