હિટ એન્ડ રન: જામનગરમાં પિતા-પુત્રને અલ્ટો કારે ફૂટબૉલની જેમ હવામાં ઉડાડ્યા, એકનું મોત, જાણો વિગતે

હિટ એન્ડ રનનો ભોગ બનનાર પિતા-પુત્ર બનાવના સ્થળ એટલે કે મહાકાળી ચોક પાસે રહેતા હતાં અને કેબીન ચલાવી ગુજરાન ચલાવતા હોવાનું પોલીસની પ્રાથમિક તપાસમાં બહાર આવ્યું છે. પિતા-પુત્ર બને એકલા રહેતા હોય પિતાનું મૃત્યુ નિપજતાં પુત્ર એકલવાયો બન્યો છે.

પૂરપાટ ઝડપે દોડતી અલ્ટો કારના ચાલકે પિતા-પુત્રને ઠોકર મારતા બંને ફંગોળાયા હતાં. બીજી બાજુ કારે કેબીનને પણ હડફેટે લેતાં કેબીન અને તેમાં રહેલો સામાન માર્ગ પર વેર વિખેર થઇ ગયો હતો.