નાંદોદઃ યુવકે બે લગ્નની વાત છૂપાવી યુવતી સાથે બાંધ્યા સેક્સસંબંધ, જાણો પછી શું થયું?

રાજપીપળાઃ નાંદોદના તરોપા ગામની આદિવાસી યુવતીને લગ્નની લાલચ આપી યુવકે બળાત્કાર ગુજાર્યો હોવાની ઘટના સામે આવી છે. પોઈચાના યુવકે પોતાના બે લગ્ન થઈ ગયા હોવાની વાત છૂપાવીને યુવતીને ફસાવી હતી અને તેની સાથે સંબંધો વિકસાવ્યા હતા. આ અંગે યુવતીને જાણ થતાં તેણે રાજપીપળા મહિલા પોલીસ સ્ટેશનમાં બળાત્કાર અને એટ્રોસિટીની ફરિયાદ નોંધાવી છે.

આ અંગેની વિગતો એવી છે કે, નાંદોલ તાલુકાના પોઇચાનો વતની ભદ્રેશ ઉર્ફે રોની દિનેશ બારિયાને તરોપા ગામની યુવતી સાથે પ્રેમસંબંધ બંધાયા હતા. આ પ્રેમસંબંધ શારીરિક સંબંધોમાં પરિણમ્યા હતા. ભદ્રેશ યુવતીને લગ્નની લાલચ આપીને ભોગવતો હતો. જોકે, તેના અગાઉ બે લગ્ન થઈ ગયા હોવાની વાત યુવતીથી છૂપાવી હતી.