સૌરાષ્ટ્ર-દક્ષિણ ગુજરાતમાં વરસાદી ઝાપટા, જાણો કઈ જગ્યાએ પડ્યો વરસાદ

સુરત શહેરમાં વહેલી સવારથી વાતાવરણમાં પલટો જોવા મળ્યો હતો. સવારે કેટલાક વિસ્તારોમાં વરસાદી છાંટા પણ પડયા હતા ત્યારે થોડા સમય બાદ પડેલા વરસાદને લઈ ઓફિસે જતા લોકોની મુશ્કેલીઓ વધી ગઈ હતી.

અમદાવાદ: છેલ્લા કેટલાક સમયથી વિરામ લીધા બાદ રાજ્યના કેટલાક વિસ્તારોમાં આજે મેઘરાજા મહેરબાન થયા હતા. દક્ષિણ ગુજરાતમાં સુરત, ડાંગના વાંસદા અને વલસાડમાં વરસાદી ઝાપટા પડ્યા હતા. જ્યારે અમરેલી-સાવરકુંડલા ના ઘોબા અને ભમોદરા માં ધોધમાર વરસાદ વરસ્યો હતો. અડધો ઇંચ વરસાદ ખાબક્યો હતો. વરસાદના કારણે ખેડૂતોમાં ખુશીની લાગણી છવાઈ ગઈ છે.