હાર્દિક પટેલની કેટેગરીની સુરક્ષા પાછી ખેંચી લેવાઈ, જાણો શું અપાયું કારણ ?

IBની સમીક્ષા મુજબ હાર્દિકનાં જીવ પર કોઇ પણ પ્રકારનું જોખમ નહીં હોવાથી ગૃહ વિભાગે હાર્દિકને આપવામાં આવેલી સુરક્ષા પાછી ખેંચવાના આદેશ આપ્યા છે. ઉલ્લેખનીય છે કે હાર્દિક પટેલને અગાઉ ગુજરાત સરકારે પોલીસ સુરક્ષા આપવા કહ્યુ હતુ પરંતુ હાર્દિકે તે લેવાનો ઇનકાર કર્યો હતો.

અમદાવાદઃ PAAS કન્વિનર હાર્દિક પટેલની સુરક્ષા પરત ખેંચવામાં આવશે. ગૃહ વિભાગના વિશ્વસનીય સૂત્રોના જણાવ્યા પ્રમાણે, પાટીદાર નેતા હાર્દિક પટેલને આપવામાં આવેલી Y શ્રેણીની સુરક્ષા પરત ખેંચવામાં આવશે. નોંધનીય છે કે હાર્દિક પટેલની સુરક્ષામાં આઠ સુરક્ષા કર્મચારીઓ ફરજ બજાવે છે.

ઉલ્લેખનીય છે કે ચૂંટણી અગાઉ હાર્દિકના જીવ પર ખતરો હોવાનું કહી તેને વાય કેટેગરીની સુરક્ષા આપવામાં આવી હતી. ચૂંટણી બાદ સતત હાર્દિક પટેલની લોકપ્રિયતા ઘટી રહી છે. ઇન્ટેલિજન્સ બ્યૂરોની સમીક્ષા બાદ હાર્દિક પટેલની સુરક્ષા ઘટાડવાનો નિર્ણય લેવામાં આવ્યો છે.