હૈદરાબાદમાં બાળાઓને સેક્સના ધંધામાં ધકેલવાનું ષડયંત્ર પકડાયું, 11 છોકરીઓને છોડાવાઈ

બચાવવામાં આવેલી બાળકીઓ પૈકી એકને નિર્દયતાથી મારવામાં આવી હોવાનું પોલીસના ધ્યાનમાં આવ્યું છે. હાલ તમામ બાળકીઓને પરીક્ષણ માટે મોકલી દેવામાં આવી છે.

પોલીસના જણાવ્યા મુજબ, સેક્સ રેકેટ ચલાવનારાં લોકો બાળકીઓને આશરે દોઢથી બે લાખ રૂપિયામાં ખરીદતા હતા. જે બાદ તેમને હોર્માનના ઈન્જેક્શન આપીને મોટી કરતા અને બાદમાં દેહ વ્યાપાર કરાવતા હતા.

હૈદરાબાદઃ તેલંગાણાના હૈદરાબાદમાં એક મોટા સેક્સ રેકેટનો પર્દાફાશ થયો છે. જેમાં પોલીસે 11 છોકરીઓને બચાવી લીધી છે. 11માંથી 4 બાળકીની ઉંમર 7 વર્ષથી પણ ઓછી છે, જ્યારે સૌથી મોટી બાળકીની ઉંમર 12 વર્ષ છે. આ માસૂમ બાળકીઓ દેહ વ્યાપાર માટે ઓછા સમયમાં તૈયાર થઈ શકે તે માટે હોર્મોન ઈન્જેક્શન આપીને જલ્દી મોટી કરવામાં આવતી હતી. આ સંદર્ભમાં એક જ પરિવારના 8 લોકોની ધરપકડ કરવામાં આવી છે.

ધરપકડ કરવામાં આવેલા લોકોમાં 6 તસ્કરો છે. તસ્કરોએ બાળકીઓ તેમની ઉંમર કરતાં મોટી દેખાય તે માટે એક ડોક્ટર રાખ્યો હતો. જે બાળકીઓને હોર્મોનના ઈન્જેક્શન આપતો હતો. આ ડોક્ટર 25,000 રૂપિયા ચાર્જ લેતો હોવાનું જાણવા મળ્યું છે.