જાહેરમાં પેશાબ કરતા કેમેરામાં કેદ થયા કેન્દ્રિયમંત્રી, સોશિયલ મીડિયા પર વાયરલ થઇ તસવીર

નવી દિલ્હીઃ આખા દેશમાં સ્વચ્છ ભારત અભિયાન ઝડપથી ચાલી રહ્યું છે. વડાપ્રધાન નરેન્દ્ર મોદીથી લઇને દેશનો સામાન્ય નાગરિક દેશને સાફ રાખવામાં કોઇ કસર રાખી નથી.એવામાં મોદી સરકારમાં કેબિનેટ મંત્રીની એક એવી તસવીર વાયરલ થઇ છે જેમાં તે સરકારના આ મહાત્વાકાંક્ષી અભિયાનની મજાક ઉડાવતા જોવા મળી રહ્યા છે.

સોશિયલ મીડિયા પર વાયરલ તસવીરમાં સ્પષ્ટ જોઇ શકાય છે કે કેન્દ્રિય કૃષિમંત્રી રાધામોહન સિંહે પોતાના કાફલો રોકાવી અને કારમાંથી ઉતરીને ખુલ્લામાં પેશાબ કરવા લાગ્યા હતા.

આ તસવીરોમાં તેમના સિક્યોરિટી ગાર્ડ્સ અને કાર પણ જોવા મળી રહી છે. જોકે, આ જગ્યા ક્યાંની છે તે જાણી શકાયું નથી. પરંતુ ટ્વિટર યુઝર્સ આ તસવીરને ખૂબ શેર કરી રહ્યા છે. તસવીરમાં રાધામોહન દિવાલની પાસે પેશાબ કરતા જોવા મળી રહ્યા છે. વડાપ્રધાન આખા દેશમાં સ્વચ્છતા અભિયાન ચલાવી રહ્યા છે ત્યારે તેમના જ મંત્રીની આવી તસવીરે સોશિયલ મીડિયા પર વાયરલ થતાં તેમની ખૂબ મજાક ઉડાવવામાં આવી રહી છે.