રાજસ્થાનમાં ભાજપની હારની શક્યતા લાગતાં અમિત શાહે શું બનાવ્યો ગેમ પ્લાન ?

મુખ્યમંત્રી વસુંધરા રાજે પણ 80થી 100 સભાઓ કરશે. ભાજપના ચોથા મોટા સ્ટાર પ્રચારક અને ઉત્તરપ્રદેશના મુખ્યમંત્રી યોગી આદિત્યનાથ પ્રથમ તબક્કાના મતદાન માટે 20 સભાને સંબોધશે.

બીજેપીએ રાજસ્થાન જીતવા માટે મોદી ઈફેક્ટ પર દાવ રમવાનું નક્કી કર્યું છે. જે અંતર્ગત સરકાર બનાવવા માટે જરૂરી 100 સીટો ઉપરાંત 20 સીટો વધારે રાખીને 120 સીટ જીતવા ધ્યાન કેન્દ્રીત કરાશે. અમિત શાહની ટીમે ફીડબેક અને સર્વેના આધારે રાજ્યની તમામ 200 સીટોને ત્રણ કેટેગરીમાં વહેંચી છે. જેમાં જીત સરળ હોય તેનો એ, મહેનતની જરૂર હોય તેનો બી અને વધારે સમય આપવાની જરૂર હોય તેવી વિધાનસભાનો સી કેટેગરીમાં સમાવેશ કરવામાં આવ્યો છે.