મોદી સરકારે 12 લાખ રેલવે કર્મચારીઓને આપી દિવાળી ભેટ, મળશે 78 દિવસનું બોનસ

એક અંદાજ મુજબ બોનસથી રેલવેના દરેક કર્મચારીને આશરે 18,000 રૂપિયા મળશે. આ બોનસમાં રેલવે પ્રોટેક્શન ફોર્સ(RPF) અને રેલવે પ્રોટેક્શન સ્પેશિયલ ફોર્સ (RPSF)ના કર્મચારીઓ સામેલ થતા નથી. છેલ્લા 6 વર્ષતી રેલવે કર્મચારીઓને આટલું જ બોનસ મળી રહ્યું છે. તેનાથી રેલવે પર 2,000 કરોડ રૂપિયાનો બોજ પડવાનો અંદાજ છે.

નેશનલ ફેડરેશન ઓફ ઈન્ડિયન રેલવેમેનના મહાસચિવ એમ રઘુવાયાએ કહ્યું હતું કે, રેલવેએ ગત વર્ષની તુલનામાં 16,000 કરોડ રૂપિયાની વધારે કમાણી કરી છે. ઉપરાંત 1161 કરોડ ટન માલનું પરિવહન પણ કર્યું છે. તેથી અમે 80 દિવસના બોનસની માંગ કરી હતી. જોકે અમે 78 દિવસના બોનસ પર સહમત થઈ ગયા છીએ.