PM મોદીના કયા દિગ્ગજ મંત્રી 2019ની લોકસભા ચૂંટણી નહીં લડે ? જાણો વિગત

ચૂંટણી નહીં લડવા અંગે તેમણે સ્વાસ્થ્યનું કારણ આપ્યું છે.

નવી દિલ્હીઃ 2019ની લોકસભા ચૂંટણીને લઈ તમામ નાના-મોટા પક્ષોએ અત્યારથી જ કવાયત શરૂ કરી દીધી છે. પરંતુ આ બધાની વચ્ચે સત્તાધારી પક્ષ ભાજપના ટોચના મહિલા નેતાએ લોકસભા ચૂંટણી નહીં લડવાનો નિર્ણય લીધો છે. વિદેશ મંત્રી સુષ્મા સ્વરાજે 2019ની લોકસભા ચૂંટણી નહીં લડવાની જાહેરાત કરી છે.

મધ્યપ્રદેશના વિદિશાથી સાંસદ સુષ્મા સ્વરાજે મંગળવારે ઈન્દોરમાં પ્રેસ કોન્ફરન્સમાં આ અંગેની જાહેરાત કરી હતી. તેમણે કહ્યું કે, મેં ચૂંટણી નહીં લડવાનો નિર્ણય કર્યો છે પરંતુ એ તો પક્ષ જ નક્કી કરશે. મેં આ અંગે પક્ષના નેતાઓને પણ જાણ કરી દીધી છે.