2014થી લઇને અત્યાર સુધી મોદી સરકારે પ્રચાર પાછળ કર્યો અધધ..રૂપિયાનો ખર્ચ, RTIમાં થયો ખુલાસો

આરટીઆઇ કાર્યકર્તા અનિલ ગલગલીએ વડાપ્રધાન ઓફિસ પાસે કેન્દ્ર સરકારની રચના થઇ ત્યારથી લઇને આજ સુધી વિવિધ જાહેરાતો પાછળ થયેલા ખર્ચની માંગણી કરી હતી.કેન્દ્ર સરકારના બ્યૂરો ઓફ આઉટરીટ એન્ડ કોમ્યુનિકેશન વિભાગના નાણાકીય સલાહકાર તપન સૂત્રધરે એક,જૂન 2014થી લઇને અત્યાર સુધી આપવામાં આવેલી જાહેરાતોની જાણકારી આપી હતી. જેમાં એક જૂન 2014થી લઇને 31 માર્ચ 2015 દરમિયાન 424.85 કરોડ રૂપિયા પ્રિન્ટ મીડિયા, 448.97 કરોડ રૂપિયા ઇલેક્ટ્રોનિક્સ મીડિયા અને 79.72 કરોડ રૂપિયા બહારના પ્રચાર પર ખર્ચ કરવામાં આવ્યા છે.

વર્ષ 2015-2016 નાણાકીય વર્ષમાં 510.69 કરોડ રૂપિયા પ્રિન્ટ મીડિયા, 541.99 કરોડ રૂપિયા ઇલેક્ટ્રોનિક મીડિયા અને 118.43 કરોડ રૂપિયા અન્ય જાહેરાતો પાછળ ખર્ચ કર્યા હતા. વર્ષ 2016-17 નાણાકીય વર્ષમાં 463.38 કરોડ રૂપિયા પ્રિન્ટ મીડિયા, 613.78 કરોડ રૂપિયા ઇલેક્ટ્રોનિક મીડિયા અને 185.99 કરોડ રૂપિયા અન્ય પ્રચાર ખર્ચ પર વાપર્યા હતા