આનું નામ નસીબઃ મિઝોરમમાં આ ઉમેદવાર માત્ર 3 મતે જીતીને ધારાસભ્ય બની ગયો, જાણો વિગત

મિઝોરમ વિધાનસભા ચૂંટણીના જાહેર થયેલા પરિણામોમાં અમુક ઉમેદવારો 300થી ઓછા વોટની સરસાઈથી જીત્યા છે. પરંતુ આ બધામાં એક ઉમેદવાર માત્ર આંગળીના વેઢે ગણી શકાય તેટલા વોટથી વિજેતા બન્યા છે.

નવી દિલ્હીઃ મિઝોરમ વિધાનસભાની 40 સીટના મંગળવારે જાહેર થયેલા ચૂંટણી પરિણામોમાં મિઝો નેશનલ ફ્રન્ટ (MNF) 26 સીટ જીતીને સરકાર બનાવવા સ્પષ્ટ બહુમતી મેળવી છે. અહીં ભાજપને 1, કોંગ્રેસને 5 અને અપક્ષને 8 સીટ મળી છે.

મિઝોરમની Tuivawl સીટ પરથી એમએનએફના ઉમેદવાર Lalchhandama Ralte નો માત્ર 3 મતથી વિજય થયો હતો. તેમણે કોંગ્રેસના R. L. Pianmawiaને હાર આપી હતી. એમએનએફના વિજેતા ઉમેદવારને 5207 અને કોંગ્રેસના હારેલા ઉમેદવારને 5204 વોટ મળ્યા હતા. ત્રીજા નંબરે રહેલા ભાજપના ઉમેદવારને 1607 મત મળ્યા હતા.