શોધખોળ કરો

મુંબઈઃ મરોલ વિસ્તારમાં રહેણાંક બિલ્ડિંગમાં આગથી એક જ પરિવારના 4 લોકોના મોત, 7 ઘાયલ

Written By : એબીપી અસ્મિતા વેબ ટીમ | Updated at : 04 Jan 2018 07:44 AM (IST)

1/6

મળતી માહિતી મુજબ મુંબઈના મરોલ વિસ્તારની મૈમૂલ મંજિલ નામની રહેણાંક બિલ્ડિંગના ત્રીજા માળે આગ લાગી હતી. ઘટના મોડી રાતે 1.30 કલાકે બની હતી. આગ લાગ્યાની માહિતી મળતા જ ફાયર બ્રિગેડની ટીમે પહોંચી જઈને તેના પર કાબુ મેળવી લીધો હતો. હાલ ઇમારતમાંથી તમામ લોકોને સુરક્ષિત બહાર કાઢી દેવામાં આવ્યા છે.

2/6

પ્રત્યક્ષદર્શીના કહેવા મુજબ ઇમારતની અંદર ફસાયેલા લોકો બચાવો-બચાવોની બૂમ પાડતા હતા પરંતુ તેમને બચાવી શકાયા નહોતા. લોકોએ આરોપ લગાવ્યો હતો કે, જો ફાયરબ્રિગેડ ટીમ સમયસર પહોંચી ગઈ હોત તો આટલી મોટલી દુર્ઘટના સર્જાઇ શકી નહોત.

3/6

ફાયરબ્રિગેડના કહેવા મુજબ મોડી રાતે 1.30 કલાકે બિલ્ડિંગના ત્રીજા માળ પર આગ લાગી હતી. આ સમયે ત્યાં 4 લોકો હતા, જ્યારે તેની ઉપરના ફ્લોર પર 7 લોકો હતો. ઘટના બાદ ફાયરબ્રિગેડ સ્થળ પર પહોંચી માત્ર 30 મિનિટમાં આગ પર કાબુ મેળવી લીધો હતો અને અંદર ફસાયેલા લોકોને બહાર કાઢ્યા હતા.

4/6

તમામ ઘાયલોને કુપર અને મુકુંદ હોસ્પિટલમાં એડમિટ કરવામાં આવ્યા છે. આગ લાગવાનું કારણ જાણી શકાયું નથી. ઘટના સમયે હાજર લોકો કંઈ સમજે તે પહેલા જ આગે વિકરાળ સ્વરૂપ ધારણ કરી લીધું હતું.

5/6

મુંબઈઃ મુંબઈમાં ગત સપ્તાહે થયેલી પબ દુર્ઘટનાને લોકો હજી ભૂલ્યા નથી ત્યાં વધુ એક ઇમારતમાં આગ લાગવાથી 4 લોકોના મોત થઈ ગયા છે. બુધવારે મોડી રાતે મુંબઈના મરોલ વિસ્તારમાં આવેલી એક રેસિડેન્શિયલ બિલ્ડિંગમાં આગ લાગવાથી ચાર લોકોના મોત અને સાત લોકો ઘાયલ થયા છે.

6/6

ત્રીજા ફ્લોર પર રહેતા એક જ પરિવારના 4 લોકોના મોત થયા છે, જ્યારે તેની ઉપરના ફ્લોર પર ગૂંગળામણથી 7 લોકો બેભાન થયા હતા. જેમની મુકુંદ અને કૂપર હોસ્પિટલમાં સારવાર ચાલી રહી છે. મૃતકોમાં તસનીમ કાપસી(45), સકીના કાપસી (15), મોઇઝ કાપસી (8) અને મોમીન કાપસી(70)નો સમાવેશ થાય છે.