બોર્ડર પર પાકિસ્તાનની 'ડબલ ગેમ', કાલે કરગર્યુ ને આજે બીએસએફ ચોકીઓ પર ફેંક્યા 27 મોર્ટાર બૉમ્બ, 5 જવાન ઘાયલ

નવી દિલ્હીઃ જમ્મુ-કાશ્મીર બોર્ડર પર પાકિસ્તાની રેન્જર્સ દ્વારા ડબલ ગેમ રમાઇ રહી છે. બીએસએફની જવાબી કાર્યવાહીથી બેકફૂટ પર આવીને ભારતને ફાયરિંગ બંધ કરવાની અપીલ કરનારા પાકિસ્તાની રેન્જર્સે 24 કલાકથી પણ ઓછા સમયની અંદર પોતોનો રંગ બતાવી દીધો, રવિવારે રાત્રે પાકિસ્તાને ભારતીય સેનાની ચોકીઓને નિશાન બનાવીને મોર્ટાર ફેંકવાનું શરૂ કરી દીધું હતું.

આ પહેલા રવિવારે પાકિસ્તાન તરફથી કરવામાં આવેલા સીઝફાયર ઉલ્લંઘન પર ભારતની જવાબી કાર્યવાહી રોકવા વિનંતી કરી હતી. બીએસએફે રવિવારે દાવો કર્યો કે તેમણે પાકિસ્તાનની અનેક ચોકીઓ નષ્ટ કરી દીધી છે. જેમાં દુશ્મનના અનેક રેન્જર્સ માર્યા ગયા છે. બીએસએફે તેનો વીડિયો પણ જાહેર કર્યો છે. પાકિસ્તાન તરફથી શુક્રવારે કરવામાં આવેલા ફાયરિંગમાં સેનાનો એક જવાન શહીદ થઈ ગયો હતો. ચાર નાગરિકોના પણ મોત થયા હતા.