Surat: ઉમરપાડામાં 14 વર્ષીય સગીરા પર સામૂહિક દુષ્કર્મ, એક સગીર સહિત 4 નરાધમો ઝડપાયા
Surat News: સુરત જિલ્લાના ઉમરપાડા તાલુકામાંથી એક અત્યંત ચકચારી અને માનવતાને શર્મસાર કરતી ઘટના સામે આવી છે. અહીં એક 14 વર્ષીય સગીરાને લગ્ન પ્રસંગમાંથી ઉપાડી જઈને સામૂહિક દુષ્કર્મ આચરવામાં આવતા સમગ્ર પંથકમાં ભારે રોષ જોવા મળી રહ્યો છે.
Surat News: સુરત જિલ્લાના ઉમરપાડા તાલુકામાંથી એક અત્યંત ચકચારી અને માનવતાને શર્મસાર કરતી ઘટના સામે આવી છે. અહીં એક 14 વર્ષીય સગીરાને લગ્ન પ્રસંગમાંથી ઉપાડી જઈને સામૂહિક દુષ્કર્મ આચરવામાં આવતા સમગ્ર પંથકમાં ભારે રોષ જોવા મળી રહ્યો છે.
શું છે સમગ્ર મામલો?
પ્રાપ્ત વિગતો અનુસાર, ઉમરપાડા વિસ્તારમાં એક લગ્ન પ્રસંગ ચાલી રહ્યો હતો. આ પ્રસંગ દરમિયાન સગીરા હાજર હતી, ત્યારે જ ચાર જેટલા શખ્સોએ તેનું અપહરણ કર્યું હતું. આરોપીઓ સગીરાને નજીકની એક અવાવરું જગ્યાએ લઈ ગયા હતા, જ્યાં તેને ડરાવી-ધમકાવીને તેની પર વારંવાર સામૂહિક દુષ્કર્મ આચર્યું હતું.
નોંધનિય છે કે, આ દુષ્કર્મનો ભોગ બનનાર સગીરાએ પોતાની સાથે બનેલી સમગ્ર જઘન્ય ઘટનાની જાણ પોતાના પરિવારને કરી હતી. તો બીજી તરફ લાડલી દીકરીની વાત સાંભળતા જ પરિવારના પગ નીચેથી જમીન સરકી હઈ હતી. જે બાદ તાત્કાલિક પરિવારે આ સમગ્ર ઘટનાની જાણ પોલીસને કરી હતી. પોલીસે પણ ઘટનાની ગંભીરતા જાણીને તાત્કાલીક સગીરાને મેજિકલ પરીક્ષણ માટે હોસ્પિટલ ખસેડી હતી અને તપાસનો દોર શરુ કર્યો હતો. 14 વર્ષીય બાળકી સાથે બનેલી આ ઘટનાથી સૌ કોઈ ચોંકી ગયા છે.
પોલીસની ત્વરિત કાર્યવાહી
આ ઘટનાની જાણ થતાં જ પોલીસ વિભાગમાં દોડધામ મચી ગઈ હતી. ઘટનાની ગંભીરતાને ધ્યાનમાં રાખીને સુરત જિલ્લા પોલીસ અધિક્ષક (SP) રાજેશ ગઢિયા સહિતના ઉચ્ચ અધિકારીઓ તાત્કાલિક ઘટનાસ્થળે દોડી ગયા હતા. પોલીસે ગુનાની ગંભીરતા સમજીને પોક્સો (POCSO) એક્ટ અને દુષ્કર્મની સંબંધિત કલમો હેઠળ ગુનો નોંધીને તપાસ હાથ ધરી છે.
આરોપીઓની ધરપકડ
સુરત જિલ્લા પોલીસે કડક કાર્યવાહી કરીને આ જઘન્ય ઘટનાને અંજામ આપનાર ચાર આરોપીઓને ગણતરીના કલાકોમાં જ ઝડપી પાડ્યા છે. ખાસ વાત એ છે કે, આ ચાર આરોપીઓ પૈકી એક આરોપી સગીર હોવાનું સામે આવ્યું છે. હાલ પોલીસે તમામ આરોપીઓની અટકાયત કરી આગળની કાયદેસરની કાર્યવાહી હાથ ધરી છે. આ ઘટના બાદ ઉમરપાડા તાલુકામાં લોકોમાં આરોપીઓ સામે ભારે આક્રોશ ફેલાયો છે અને ફાસ્ટ ટ્રેક કોર્ટમાં કેસ ચલાવી આરોપીઓને કડકમાં કડક સજા મળે તેવી માંગણી ઉઠી રહી છે.
ટોપ સ્ટોરી
ટ્રેન્ડિંગ સમાચાર
