RBI જૂની નોટો શું ભાવે વેચશે? તેમાંથી શું બનશે? તમારા ઘરમાં પણ હોઈ શકે જૂની નોટમાંથી બનેલી ચીજ, જાણો રસપ્રદ વાત

નવી દિલ્હીઃ નોટબંધી બાધ રદ્દ થઈ ગયેલી 500 અને 1000 રૂપિયાની જૂની નોટોના નિકાલને લઇને જાત-જાતની અટકળો થઇ રહી હતી. જાણવા મળ્યું છે કે જૂની નોટો પ્લાયવૂડ બનાવવામાં વપરાશે. રિઝર્વ બેન્કે કેરળની એક કંપની સાથે કોન્ટ્રાક્ટ કર્યો છે અને 250 રૂપિયે ટનના ભાવે જૂની નોટો તે કંપનીને વેચવામાં આવી રહી છે.

કન્નૂર જિલ્લાના વાલાપટ્નમની વેસ્ટર્ન ઇન્ડિયા પ્લાયવૂડ નામની કંપનીએ કોન્ટ્રાક્ટ મેળવવા ઘણા ટેસ્ટ આપવા પડ્યા. 71 વર્ષથી પ્લાયવૂડ બનાવતી કંપનીના એમડી મયાન મોહમ્મદે જણાવ્યું કે, નોટોને કંપનીની ફેક્ટરી સુધી અત્યંત ગોપનીય રીતે પહોંચાડવામાં આવી રહી છે.