ગુજરાત સહિત 18 રાજ્યોની આ 64 સીટ પર યોજાશે પેટા ચૂંટણી, જુઓ સંપૂર્ણ લિસ્ટ

કર્ણાટકરની 15 અને ઉત્તરપ્રદેશની 11 વિધાનસભા બેઠકો પર પેટા ચૂંટણી યોજાશે.

ગુજરાત વિધાનસભાની ખાલી પડેલી 7 બેઠકોમાંથી ચૂંટણીપંચે આજે 4 બેઠકોની જાહેરાત કરી છે. રાજ્યની થરાદ, ખેરાલૂ, અમરાઇવાડી અને લુણાવાડા બેઠકની જાહેરાત કરવામાં આવી છે. જ્યારે બાયડ, મોરવા હડફ અને રાધનપુરની બેઠકો માટે પેટા ચૂંટણીની જાહેરાત કરવામાં આવી નથી.

નવી દિલ્હીઃ ચૂંટણી પંચ દ્વારા 17 રાજ્યો અને કેન્દ્ર શાસિત પ્રદેશ પુડ્ડુચેરીની મળી કુલ 64 વિધાનસભા સીટ તથા બિહારના સમસ્તીપુર લોકસભા બેઠક પર પેટા ચૂંટણીની જાહેરાત કરવામાં આવી હતી. આ ઉપરાંત મહારાષ્ટ્ર અને હરિયાણા વિધાનસભા ચૂંટણીની જાહેરાત કરી હતી. આ તમામ જગ્યાએ 21 ઓક્ટોબરે મતદાન યોજાશે અને 24 ઓક્ટોબરે પરિણામ જાહેર કરાશે.