Driving Tips: જો રાત્રે ડ્રાઇવિંગ કરવું છે તો આ ટિપ્સ જરૂરથી કરો ફોલો, ઊંઘને રોકવામાં કરશે મદદ

Safe Driving Tips: જો તમે પણ રાત્રે કાર ચલાવો છો તો આજે અમે તમને કેટલીક એવી ટિપ્સ અને ટ્રિક્સ જણાવવા જઈ રહ્યા છીએ જેની મદદથી તમને ઊંઘ રોકવામાં મદદ મળી શકે છે.

Safe Driving Tips

How to drive safely: રસ્તા પર વાહન ચલાવવું એ ખૂબ જ જવાબદારીભર્યું કામ છે અને તેમાં થોડી પણ ભૂલ તમારા જીવનની સાથે-સાથે અન્ય લોકોના જીવન માટે પણ ખતરો બની શકે છે. એટલા માટે વાહન ચલાવતી વખતે ખૂબ કાળજી રાખવાની જરૂર છે. ઘણા લોકોને રાત્રે વાહન ચલાવવું પડે છે અને ઘણી વખત થાકને કારણે આ સમયે ઊંઘ આવવાની શક્યતા રહે છે, જેના કારણે અકસ્માત થઈ શકે છે. જો તમે પણ રાત્રે વાહન ચલાવો છો, તો તમારે કેટલીક બાબતોનું ધ્યાન રાખવું જોઈએ, જેથી તમે ઊંઘના કારણે કોઈ દુર્ઘટનાનો શિકાર ન બનો.

રસ્તાની બાજુમાં થોડી વાર કાર ઊભી રાખો 

જ્યારે પણ તમને વાહન ચલાવતી વખતે ઊંઘ આવે ત્યારે તમારે વાહનને થોડીવાર માટે રસ્તાની બાજુમાં પાર્ક કરવું જોઈએ, વાહનમાંથી બહાર નીકળીને ચાલવું જોઈએ અથવા થોડી કસરત કરવી જોઈએ. તેની સાથે થોડું પાણી પીવું અને આંખો પર પાણી છાંટવું જોઈએ.

પેટ ભરીને ના ખાઓ

જ્યારે પણ પેટ ભરીને ખાવામાં આવે છે, ત્યારે ઊંઘ આવવામાં સમય નથી લાગતો. એટલા માટે વાહન ચલાવતા પહેલા વધુ પડતો ખોરાક ન ખાવો. વધુ પડતું ખાવાને બદલે થોડું થોડું ખાઓ. જેનાથી તમને જલ્દી ઊંઘ નહીં આવે અને તમને એનર્જી મળતી રહેશે.

મનપસંદ ગીતો સાંભળો

તમે તમારું મનપસંદ સંગીત સાંભળી શકો છો જેથી તમે ડ્રાઇવિંગ કરતી વખતે ઊંઘી ન જાઓ. તેનાથી તમને ઊંઘ નહીં આવે અને તમે સુરક્ષિત રીતે મુસાફરી કરી શકો છો.

થોડા થોડા અંતરે ચા- કોફી પીતા રહો 

જો તમને વાહન ચલાવતી વખતે ઊંઘ આવતી હોય, તો તમારે રસ્તામાં ઢાબા અથવા રેસ્ટોરન્ટ પર રોકાઈ જવું જોઈએ અને હળવો નાસ્તો અથવા ચા-કોફી પીવી જોઈએ. આ તમને લાંબા સમય સુધી જાગૃત રહેવામાં મદદ કરશે. આ વાતનું ધ્યાન રાખો, આ વસ્તુઓનું વધુ પડતું સેવન ન કરો.

Disclaimer: અહીં, આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો