Mango Season : શું ખરેખર સિઝનની પહેલી કેરી ખરાબ હોય છે, જાણો શું કહે છે એક્સપર્ટ
Mango Season : મોસમની શરૂઆતની કેરીને લઈને વારંવાર પ્રશ્ન ઊભો થાય છે કે, શું તે સ્વાસ્થ્ય માટે હાનિકારક છે. ચાલો આ વિશે જાણીએ-
Mango Season : ઉનાળો શરૂ થતાની સાથે જ બજારમાં કેરીઓ આવવા લાગે છે. સામાન્ય બાળકોથી લઈને વડીલો સુધી બધાને તે ખૂબ જ પ્રિય છે. દરેકને તેનો મીઠો અને ખાટો સ્વાદ ગમે છે. પરંતુ આપણા વડીલો આપણને સિઝનની શરૂઆતમાં પહેલી કેરી ખાવાની મનાઈ કરે છે, તેઓ કહે છે કે તેનાથી શરીરને નુકસાન થઈ શકે છે. પણ શું આ યોગ્ય છે? ચાલો જાણીએ-
શા માટે વહેલી કેરી સ્વાસ્થ્ય માટે ખરાબ કહેવાય છે?
સામાન્ય રીતે સિઝનની શરૂઆતમાં જે કેરી બજારમાં આવે છે તે કુદરતી રીતે નહીં પરંતુ કાર્બાઈડ જેવા રસાયણોની મદદથી પાકતી હોય છે. તમને જણાવી દઈએ કે કેલ્શિયમ કાર્બાઈડ એક ઝેરી રસાયણ છે, જેનાથી કેરી જલ્દી પાકી જાય છે પરંતુ તેનું સેવન સ્વાસ્થ્ય માટે હાનિકારક હોઈ શકે છે. જેનાથી પેટ ખરાબ થવું, મોઢામાં ચાંદા પડવા વગેરે જેવી ગંભીર બીમારીઓ થઈ શકે છે.
રાસાયણિક રીતે પાકેલી કેરી કેવી રીતે ઓળખવી?
રસાયણોનો ઉપયોગ કરીને પકવેલી કેરી સાવ અલગ જ દેખાય છે. જ્યારે પણ તમે કેરી ખરીદવા બજારમાં જાવ ત્યારે ક્યારેય પાકેલી કેરી ન ખરીદો જે ખૂબ ચમકદાર હોય અને તેનો રંગ એકસરખો પીળો હોય. આ પ્રકારની કેરી કેમિકલનો ઉપયોગ કરીને પકવવામાં આવે છે. આ સાથે, જો કેરી ખૂબ જ ઝડપથી નરમ થઈ જાય અથવા તે રસાયણ જેવી દુર્ગંધ મારતી હોય તો તેમાં કાર્બાઈડ હોઈ શકે છે.
શું બધી સિઝનની પહેલી કેરીઓ ખરાબ જ હોય છે?
ના, જરૂરી નથી કે દરેક પહેલી શરૂઆતમાં આવતી કેરી હાનિકારક હોય. કેટલાક ખેડૂતો કુદરતી રીતે પાકેલી કેરીઓ પણ બજારમાં વેચે છે, જ્યારે કે ઘાસ કે સ્ટ્રોમાં રાખીને પાકેલી કેરી નુકસાનકારક હોતી નથી. પરંતુ બજારમાં ઝડપથી પૈસા કમાવવાની હોડમાં ઘણા વેપારીઓ કેમિકલનો સહારો લે છે.
Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.
Check out below Health Tools-
Calculate Your Body Mass Index ( BMI )
ટોપ સ્ટોરી
ટ્રેન્ડિંગ સમાચાર
