Karawa Chauth :કરવા ચૌથનું વ્રત ધારણ કરતા પહેલા ફોલો કરો આ ટિપ્સ, ડિહાઇડ્રેશનની નહિ થાય સમસ્યા

કરવા ચોથનો ઉપવાસ પાણીના અભાવે ડિહાઇડ્રેશન તરફ દોરી શકે છે. શરૂઆતમાં, માથાનો દુખાવો, થાક અને મોં, સૂકાવવા જેવી સમસ્યા અનુભવાય છે.

પ્રતીકાત્મક તસવીર

Source : PTI

કરવા ચોથનો ઉપવાસ દરેક પરિણીત સ્ત્રી માટે ખૂબ જ ખાસ હોય છે. આ દિવસે, સ્ત્રીઓ સૂર્યોદયથી ચંદ્રોદય સુધી નિર્જલા ઉપવાસ રાખે છે, તેમના પતિના લાંબા આયુષ્ય અને સુખ અને સમૃદ્ધિની પ્રાર્થના કરે છે. નિર્જળા ઉપવાસ એટલે કે સૂર્યોદયથી ચંદ્રોદય સુદી  વ્રતઘારી મહિલા કંઇ ખાતી નથી અને પાણી પણ પીતી નથી. પરંતુ શું તમે ક્યારેય વિચાર્યું છે કે, આખો દિવસ પાણી અને ખોરાક વિના રહેવાથી શરીર પર શું અસર પડે છે? તો, આજે  અહીં  જણાવીશું કે, આખો દિવસ ખાધા પીધા વિના રહેવાથી શરી પર શું અસર થઇ શકે છે.

નિર્જળા ઉપવાસની શરીર પર શું થાય છે અસર

નિષ્ણાતોના મતે, કરવા ચોથના ઉપવાસ દરમિયાન લાંબા સમય સુધી પાણી ન પીવાથી ડિહાઇડ્રેશન થઈ શકે છે. આ સાથે માથાનો દુખાવો, થાક, ચક્કર આવવા જેવા  લક્ષણો અનુભવાય છે.  જો આ સ્થિતિ વધુ ખરાબ થાય છે, તો ધબકારા ઘટી જવા  અને નબળાઈ તરફ દોરી શકે છે. લાંબા સમય સુધી ન ખાવા પીવાથી  બ્લડ સુગરનું સ્તર ઘટી શકે છે, જેના કારણે થાક અને ચીડિયાપણું અનુભવાય છે. વધુમાં, લાંબા સમય સુધી  પાણી ન પીવાથી અને ભૂખ્યું રહેવાથી  ઘણી સ્ત્રીઓમાં બ્લડ પ્રેશર ઓછું થઈ શકે છે અને બ્લડ સુગરનું સ્તર ઓછું થઈ શકે છે, જેનાથી ઘણી સમસ્યાઓ પણ થઈ શકે છે. કેટલાક નિષ્ણાતો કહે છે કે ફાસ્ટિંગ કે ઇન્ટરમિટેન્ટ ફાસ્ટિંગ શરીર માટે  ફાયદાકારક છે, પરંતુ  નિર્જળા  ઉપવાસ શરીર પર વિપરિત અસર ઉત્પન કરે છે.

કોણે ન રાખવું જોઇએ નિર્જળા વ્રત

ડોક્ટરોના મતે, પાણી વગર ઉપવાસ બધી સ્ત્રીઓ માટે યોગ્ય નથી. આ પ્રકારનો ઉપવાસ વિવિધ તબીબી પરિસ્થિતિઓથી પીડાતી સ્ત્રીઓ માટે ખતરનાક સાબિત થઇ શકે  છે. ડાયાબિટીસ અથવા બ્લડ પ્રેશર ધરાવતી સ્ત્રીઓએ આ ઉપવાસ ટાળવો જોઈએ. સગર્ભા અથવા સ્તનપાન કરાવતી સ્ત્રીઓએ પણ આ પ્રકારનો  ઉપવાસ કરવાનું ટાળવું જોઈએ. વધુમાં, આ ઉપવાસ કિડની, પેટ અથવા હોર્મોનલ સમસ્યાઓ ધરાવતી સ્ત્રીઓ માટે હાનિકારક હોઈ શકે છે.

કરવા ચોથનો ઉપવાસ આખો દિવસ પાણી કે ખોરાક વગર રાખવામાં આવે છે. સ્વસ્થ શરીર જાળવવા માટે, મહિલાઓએ દિવસભર ઘણી બાબતોનું ધ્યાન રાખવું જોઈએ. આ સુનિશ્ચિત કરવા માટે, મહિલાઓ ઉપવાસના આગલા દિવસે અને સરગી દરમિયાન પૂરતું પાણી પી શકે છે અને લાંબો સમય હાઇડ્રેટેડ રાકે તેવા ફૂડ ખાવા જોઇએ, જેથી ઉપવાસ દરમિયાન ચક્કર કે નબળાઈ ન આવે. વધુમાં, મહિલાઓએ દિવસભર વધુ પડતી શારીરિક પ્રવૃત્તિ અથવા ઘરકામ ટાળવું જોઈએ. સમયાંતરે આરામ કરવાથી પણ રાહત મળે છે. વધુમાં, મહિલાઓએ આ દિવસે તણાવ ટાળવો જોઈએ. ચંદ્ર દેખાય કે ઉપવાસ તૂટતા જ તેમણે હળવો ખોરાક પણ લેવો જોઈએ.