Diabetes: આ ફૂલ ડાયાબીટીશ માટે કોઈ દવાથી ઓછું નથી, તેના ફાયદા જબરદસ્ત છે, આ બીમારીઓમાં પણ મડશે રાહત

ઇન્સ્યુલિન હોર્મોનને કારણે બ્લડ શુગર લેવલ કંટ્રોલમાં રહે છે. એવામાં હવે સદાબહાર ફૂલોનો ઉપયોગ કરવાથી સ્વાદુપિંડના બીટા કોષો સક્રિય બને છે અને ઇન્સ્યુલિનનું સ્તર જળવાઈ રહે છે.

ડાયાબિટીસમાં સદાબહાર ફૂલોના ફાયદા (તસવીર-એબીપી લાઈવ)

આયુર્વેદમાં ઘણા ફૂલોને લાભ દાયક માનવામાં આવે છે. ઘણી બીમારીઓમાં તેનો ઉપયોગ કરવામાં આવે છે. એમાંથી જ એક ફૂલ છે સદાબહારનું. જેનો ઉપયોગ ડાયાબિટીશમાં ફાયદાકારક માનવામાં આવે છે. સદાબહાર એક એવું ફૂલછે જેના પાંદડા,છોડ,ફૂલ બધુંજ સ્વાસ્થ્ય માટે કોઈક ને કોઈક રીતે લાભ દાયક છે. 

આયુર્વેદમાં કહેવાયું છે કે જો યોગ્ય રીતે સદાબહારના ફૂલો અને પાંદડાઓનો  ઉપયોગ કરવામાં આવે તો વ્યક્તિ માત્ર ડાયાબિટીસ જ નહીં પરંતુ અન્ય ઘણી સમસ્યાઓથી પણ રાહત મેળવી શકે છે. તેનો ઉપયોગ કેવી રીતે કરવો તે અહીં જાણો...

ડાયાબિટીસમાં સદાબહાર ફૂલોના ફાયદા
આયુર્વેદ અનુસાર, સદાબહાર ફૂલ ડાયાબિટીસની સારવાર માટે ચમત્કારિક સાબિત થઈ શકે છે. આ ફૂલનું સેવન કરવાથી સ્વાદુપિંડના બીટા કોષો સક્રિય થાય છે, જે શરીરમાં ઈન્સ્યુલિનની માત્રાને નિયંત્રિત કરવાનું કામ કરે છે. ઇન્સ્યુલિન હોર્મોનને કારણે બ્લડ શુગર લેવલ કંટ્રોલમાં રહે છે. આવી સ્થિતિમાં, સદાબહાર ફૂલ પણ ડાયાબિટીસ માટે એક નિશ્ચિત ઈલાજ માનવામાં આવે છે.

સદાબહાર ફૂલોનું સેવન કેવી રીતે કરવું
બ્લડ સુગરને નિયંત્રિત કરવા માટે જો સદાબહારના ફૂલોનો યોગ્ય રીતે ઉપયોગ કરવામાં આવે તો તે ફાયદાકારક છે. આ માટે તમે આ ફૂલોને સીધા ચાવી શકો છો. જો તમે ઈચ્છો તો આ ફૂલોને કાકડી, ટામેટા, કારેલા સાથે મિક્સ કરીને તેનો રસ કાઢીને દરરોજ સવારે ખાલી પેટ પી શકો છો. આ ડાયાબિટીસને નિયંત્રિત કરવામાં મદદ કરી શકે છે. જો કે, ડૉક્ટરની સલાહ વિના તેનો ઉપયોગ કરવાનું ટાળવું જોઈએ. કારણકે કેટલાક લોકોને તે અનુકૂડ ના પણ આવે માટે તેનો ઉપયોગ કરતાં પેહલા ડૉક્ટર ની સલાહ અચૂક લેવી.  

સદાબહારનું સેવન કરવાથી આ રોગોથી પણ રાહત મળે છે

1. સદાબહાર ફૂલ શ્વાસ સંબંધી રોગોમાં ખૂબ જ ઉપયોગી સાબિત થાય છે. આ અસ્થમા, ઉધરસ અને શરદીના લક્ષણોને ઘટાડી શકે છે.
2. હાઈ બ્લડ પ્રેશરની સમસ્યામાંથી રાહત અપાવવામાં સદાબહાર ખૂબ જ ફાયદાકારક સાબિત થઈ શકે છે.
3. તેનો ઉપયોગ પેટના દુખાવામાં રાહત મેળવવા માટે કરી શકાય છે. તે પેટને સ્વસ્થ બનાવવામાં અને યોગ્ય પાચન જાળવવામાં ફાયદાકારક સાબિત થઈ શકે છે.

આમ ડાયાબિટિશ સિવાય અન્ય રોગોથી પણ તેના દ્વારા રાહત મડે છે. 

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે સંબંધિત નિષ્ણાતની સલાહ લેવી જોઈએ.