KK, પુનીત, રાજુ શ્રીવાસ્તવ અને હવે સોનાલી ફોગાટ.... તમામને હાર્ટ એટેક, સમજી લો આ 7 લક્ષણો

Sonali Phogat Heart Attack: ડોકટરોનું માનવું છે કે કેટલીક સાવચેતી રાખવાથી હાર્ટ એટેકના જોખમને ટાળી શકાય છે. આ માટે તમારે હાર્ટ એટેકના કેટલાક લક્ષણો જાણવાની જરૂર છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Sonali Phogat Heart Attack:  બિગ બોસથી લાઈમલાઈટમાં આવેલી બીજેપી નેતા સોનાલી ફોગાટનું 42 વર્ષની વયે ગોવામાં અચાનક હાર્ટ એટેકથી અવસાન થયું. સિંગર કેકે, એક્ટર પુનિત, કોમેડિયન રાજુ શ્રીવાસ્તવ અને હવે સોનાલી ફોગાટ એક ખૂબ જ લોકપ્રિય નામ છે.  આ તમામમાં એક કોમમ લક્ષણ હાર્ટ એટેક છે. છેલ્લા કેટલાક વર્ષોમાં જોવામાં આવી રહ્યું છે કે લોકોને નાની ઉંમરમાં જ હૃદયની બીમારીઓ થઈ રહી છે. જો કે ડોકટરોનું માનવું છે કે કેટલીક સાવચેતી રાખવાથી હાર્ટ એટેકના જોખમને ટાળી શકાય છે. આ માટે તમારે હાર્ટ એટેકના કેટલાક લક્ષણો જાણવાની જરૂર છે.

હાર્ટ એટેક વિશે જાણો

ઘણી વખત એવું જોવા મળે છે કે લોકો છાતીના દુખાવાની અવગણના કરે છે, જે હાર્ટ એટેકનું સૌથી મોટું કારણ હોઈ શકે છે. તેથી બેદરકાર ન રહો. જો તમને હૃદયરોગના હુમલાના આમાંના કોઈપણ લક્ષણો દેખાય, તો તરત જ ડૉક્ટરનો સંપર્ક કરો.

હાર્ટ એટેકના લક્ષણો

1. છાતીમાં તીવ્ર દુખાવો
2. હાંફ ચઢવો
3. બેચેની થવી
4. થાક લાગવો
5. ડાબા હાથમાં સતત દુખાવો
6. પરસેવો થવો
7. નર્વસ થઈ જવું

આહારનું હંમેશા ધ્યાન રાખો

હાર્ટ એટેક જેવી સમસ્યાઓથી બચવા માટે જરૂરી છે કે તમે તમારા આહાર પર વિશેષ ધ્યાન આપો. ખાવામાં ઓછામાં ઓછું તેલ, ઘી અને મેંદાનો ઉપયોગ કરો તો સારું રહેશે. જો શક્ય હોય તો, તમારા આહારમાં ફેરફાર કરો અને તંદુરસ્ત ખોરાકને પ્રાધાન્ય આપો. તમારા આહારમાં પ્રોટીન અને વિટામિન્સનો સમાવેશ કરો. ધૂમ્રપાન અને દારૂનું સેવન ન કરો. તમારી જીવનશૈલીમાં સુધારો કરો અને તણાવ ન લો.

આ બાબતો ધ્યાનમાં રાખો

• 30 વર્ષની ઉંમરે તબિયતનું ખાસ ધ્યાન રાખો અને હંમેશા ડૉક્ટર દ્વારા તમારું રૂટિન ચેકઅપ કરાવતા રહો.
• જીમમાં વર્કઆઉટ કરતી વખતે ક્યારેય સ્પીડ અચાનક વધારશો નહીં. તમારી ક્ષમતા મુજબ કસરત કરો.
• જીમમાં તમારી ક્ષમતા અનુસાર ટ્રેડમિલનો ઉપયોગ કરો
• જો પરિવારમાં કોઈને પહેલાથી જ હૃદયની સમસ્યા હોય તો 30 વર્ષની ઉંમર પછી લોહી, સુગર ટેસ્ટ અને ઈસીજીની તપાસ કરાવતા રહો.
• સપલીમેંટ અને પ્રોટીન પાઉડરના ઘટકોની તપાસ કર્યા પછી જ સેવન કરો.

Disclaimer: અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો.