Silent Heart Attack Signs: છાતીમાં થતો દુખાવો હાર્ટ અટેકનો છે કે નહિ કેવી રીતે જાણશો?

Heart attack: છાતીમાં દુખાવો ઘણીવાર હૃદયરોગના હુમલા સાથે સંકળાયેલો હોય છે તો ક્યારેય ગેસ એસિડિટી પણ જવાબદાર હોય છે. આ બંનેનો તફાવત કેવી રીતે સમજવો જાણીએ.

પ્રતીકાત્મક તસવીર

Source : google

Early Symptoms Of Heart Attack: આપણા બધામાં એક ગેરસમજ છે કે છાતીમાં દુખાવો હૃદયરોગનો હુમલોનો જ સંકેત છે. આ જ કારણ છે કે, છાતીમાં દુખાવો શરૂ થતાં જ આપણે તરત જ ડરી જઈએ છીએ, વિચારીએ છીએ કે, શું હૃદયરોગનો હુમલાના સંકેત છે. પરંતુ એક વાત તમારે હંમેશા ધ્યાનમાં રાખવી જોઈએ કે દરેક છાતીમાં દુખાવો હૃદયરોગના હુમલાની નિશાની નથી.

છાતીમાં દુખાવાના આ પણ કારણો છે.

છાતીમાં દુખાવા માટે ગેસ, સ્નાયુઓમાં ખેંચાણ, ગભરાટના હુમલા અથવા ફેફસાના રોગ જેવા ઘણા પરિબળો જવાબદાર હોઈ શકે છે. મિશિગન મેડિસિનના એક અહેવાલ મુજબ, જો છાતીમાં દુખાવો ફક્ત થોડીક સેકંડ સુધી ચાલે છે અથવા શરીરની સ્થિતિમાં ફેરફાર સાથે બદલાય છે, તો તે મોટે ભાગે હૃદયરોગના હુમલા સાથે સંબંધિત નથી. એલિના હેલ્થ અનુસાર, જો દુખાવો એક ચોક્કસ જગ્યાએ જ થતો હોય  તો તે મોટે ભાગે હૃદયરોગના હુમલાનું લક્ષણ નથી.

હૃદયરોગના હુમલાના દુખાવાને કેવી રીતે ઓળખવું?

જો તમે છાતીના દુખાવાથી હૃદયરોગના હુમલાના લક્ષણને ઓળખવા માંગતા હો, તો કેટલાક સ્પષ્ટ સંકેતો છે. હૃદયરોગના હુમલા દરમિયાન છાતીમાં દુખાવો છાતીથી હાથ અને ખભા પાછળ સુધી ફેલાય છે.  શ્વાસ લેવામાં તકલીફ થઈ શકે છે, અને ચક્કર અથવા નબળાઈ પણ લક્ષણો હોઈ શકે છે. અમેરિકન હાર્ટ એસોસિએશન અનુસાર, હૃદયરોગના હુમલાનો દુખાવો ભારે હોય છે અને ઘણી મિનિટો સુધી ટકી શકે છે. વધુમાં, તે સ્થિતિ બદલવાથી અથવા આરામ કરવાથી ઓછો થતો નથી.

યુકે નેશનલ હેલ્થ સર્વિસ અનુસાર, જો છાતીમાં દુખાવો અચાનક અને સતત હોય, શ્વાસ લેવામાં તકલીફ, ગભરામણ થતી હોય તો  આ સમસ્યા સામાન્ય નથી.  ખાસ કરીને ડાયાબિટીસના દર્દીઓ, સ્ત્રીઓ અને વૃદ્ધોમાં. આવા કિસ્સાઓમાં, તેને "સાયલન્ટ હાર્ટ એટેક" કહેવામાં આવે છે. હાર્વર્ડ હેલ્થ અનુસાર, હાર્ટ એટેકના દર્દી માટે થોડો વિલંબ પણ જીવલેણ બની શકે છે.       

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો