Goat Milk in Dengue :શું ખરેખર બકરીના દૂધ ડેન્ગ્યુના દર્દી માટે ઉત્તમ છે? જાણો એક્સ્પર્ટનો મત

બકરીના દૂધમાં વિટામિન B6, B12, C અને D ભરપૂર માત્રામાં હોય છે. તેમાં ફોલેટ બાઈન્ડિંગ ઘટકો પણ હોય છે, જેના કારણે ફોલિક એસિડની માત્રા પણ વધે છે.

પ્રતીકાત્મક તસવીર ( freepik)

Source : from freepik

Goat Milk in Dengue : વરસાદના આગમન સાથે ફરી એકવાર ડેન્ગ્યુનો ખતરો વધી ગયો છે. જો આ રોગની સમયસર સારવાર ન કરવામાં આવે તો તે જીવલેણ પણ સાબિત થઈ શકે છે. ઘણા લોકો ડેન્ગ્યુના કિસ્સામાં ઘરગથ્થુ ઉપચાર પણ અપનાવે છે. આમાંથી એક બકરીનું દૂધ છે. એવું માનવામાં આવે છે કે ઓછી પ્લેટલેટ કાઉન્ટના કિસ્સામાં બકરીનું દૂધ ફાયદાકારક સાબિત થઈ શકે છે. આ જ કારણ છે કે જ્યારે ડેન્ગ્યુ વધે છે ત્યારે બકરીનું દૂધ મોંઘુ થઈ જાય છે. આવી સ્થિતિમાં, ચાલો જાણીએ કે બકરીના દૂધમાં ખરેખર ડેન્ગ્યુ મટાડવાની શક્તિ છે.

 બકરીનું દૂધ કેમ ફાયદાકારક છે?

બકરીના દૂધમાં વિટામિન B6, B12, C અને D ભરપૂર માત્રામાં હોય છે. તેમાં ફોલેટ બાઈન્ડિંગ ઘટકો પણ હોય છે, જેના કારણે ફોલિક એસિડની માત્રા પણ વધે છે. બકરીના દૂધમાં પ્રોટીન જટિલ નથી, જે તેને પચવામાં એકદમ સરળ બનાવે છે. તેની મદદથી બ્લડ કાઉન્ટ પણ વધે છે.

 બકરીના દૂધના ફાયદા

•  બકરીના દૂધમાં સેલેનિયમ જોવા મળે છે, જે રોગપ્રતિકારક શક્તિને મજબૂત બનાવે છે અને શરીરને રોગોથી દૂર રાખે છે.
• બકરીના દૂધમાં કેલ્શિયમ, વિટામિન બી, ફોસ્ફરસ, પોટેશિયમ, આયર્ન અને કોપર મળી આવે છે, જે મેટાબોલિઝમ રેટને સારું રાખીને શરીરને સ્વસ્થ રાખે છે.
• કેલ્શિયમ અને એમિનો એસિડની હાજરીને કારણે બકરીનું દૂધ દાંત અને હાડકાંને મજબૂત રાખવામાં મદદ કરે છે.
• બકરીના દૂધમાં સારા ફેટી એસિડ હોય છે, જે કોલેસ્ટ્રોલને નિયંત્રિત કરે છે. વધુ પડતા પોટેશિયમના કારણે બ્લડપ્રેશર કંટ્રોલમાં રહે છે. જેના કારણે હૃદયનું સ્વાસ્થ્ય સ્વસ્થ રહે છે.
• બકરીના દૂધમાં સોજા વિરોધી ગુણ હોય છે, જે સોજો અને પેટની સમસ્યાઓને દૂર કરવામાં મદદ કરી શકે છે.

 શું બકરીનું દૂધ ડેન્ગ્યુમાં ફાયદાકારક છે?

કેટલાક નિષ્ણાતો માને છે કે, ડેન્ગ્યુમાં બકરીનું દૂધ ફાયદાકારક છે પરંતુ ડોકટરો કહે છે કે, જો કોઈ વ્યક્તિ દરરોજ બકરીનું દૂધ પીવે છે તો તે ડેન્ગ્યુથી ઝડપથી રિકવરીમાં મદદરૂપ થઇ શકે છે  પરંતુ ડેન્ગ્યુના ઈલાજ માટે બકરીનું દૂધ જ લેવાની જરૂર નથી કારણ કે, હજુ સુધી તે સાબિત થયું નથી ડેન્ગ્યુમાં બકરીનું દૂધ ફાયદાકારક છે.