Gym Mistakes: જિમમાં જતાં લોકો સાવધાન, આ ભૂલ કરશો તો હેર ફોલ્સ વધશે, જાણો કારણો અને ઉપાય

Gym Mistakes: જિમમાં બોડી બનાવતી વખતે લોકો ઘણીવાર પોતાના વાળની સંભાળની અવગણના કરે છે. આ દરમિયાન કરવામાં આવેલી કેટલીક ભૂલો હેર ફોલ્સ વધારી દે છે.

પ્રતીકાત્મક તસવીર ( freepik)

Source : freepik

Gym Mistakes: ઘણા યુવક- યુવતીઓઓ ફિટ અને સ્વસ્થ રહેવા માટે દરરોજ જીમમાં જાય છે. જ્યાં  કલાકો સુધી તેઓ વર્કઆઉટ કરે છએ અને પરસેવો પાડે છે.  જો કે, આ દરમિયાન ઘણી એવી ભૂલો થઈ જાય છે જે સ્વાસ્થ્યને અસર કરવા લાગે છે. કેટલીક સામાન્ય ભૂલોને કારણે પણ વાળ ખરી શકે છે. તેથી, જિમ જનારાઓ માટે તે જાણવું મહત્વપૂર્ણ છે કે તેઓએ શું કરવું જોઈએ અને શું નહીં. ચાલો જાણીએ જિમમાં એવી કઇ ભૂલ લોકો કરે છે. જે જે વાળ ખરવાનું કારણ બની શકે છે.

વાળને ચુસ્ત રીતે બાંધવા

નિષ્ણાતોના મતે, મોટાભાગના લોકો જીમમાં વર્કઆઉટ કરતી વખતે તેમના વાળને હેર બેન્ડથી ચુસ્તપણે બાંધે છે. જેના કારણે તેમના વાળ મૂળથી નબળા થવા લાગે છે અને થોડા સમય પછી ખરવા લાગે છે. આપણે આ ભૂલ ટાળવાનો પ્રયત્ન કરવો જોઈએ.

વાળનો વધુ પડતો પરસેવો

જીમમાં કસરત કરતી વખતે વાળમાં પરસેવો થાય છે, જે સ્વાભાવિક પણ છે. જો કે તેને અવગણવાથી વાળ નબળા પડી શકે છે. ખરેખર, પરસેવામાં મીઠું અને બેક્ટેરિયા હોય છે, જે વાળને મૂળમાંથી નુકસાન પહોંચાડે છે. જેના કારણે વાળ ખરી શકે છે. પરસેવો સુકાયા વગર વાળ બાંધવાથી પણ વાળ ખરી શકે છે.

ટોપી પહેરીને વર્કઆઉટ કરો

જીમમાં પરસેવો ન થાય તે માટે ઘણા લોકો કેપ પહેરે છે. ક્યારેક આવું કરવું શક્ય બને છે પરંતુ જો તમે લાંબા સમય સુધી આવું કરો છો તો વાળના મૂળને પૂરતું વેન્ટિલેશન મળતું નથી અને વાળનો વિકાસ અટકી જાય છે. જેના કારણે વાળ ખરવા લાગે છે.

વર્કઆઉટ પછીની ભૂલ

કેટલાક લોકો જીમમાં વર્કઆઉટ કર્યા પછી તેમના વાળની ​​અવગણના કરે છે, જેના કારણે વાળ ખરવા લાગે છે. કસરત કર્યા પછી, પરસેવો, ધૂળ લાગે છે અને તેની સારસંભાળ ન લેવામાં આવે તો  વાળ તૂટે છે. આવી સ્થિતિમાં જો તેનું ધ્યાન રાખવામાં ન આવે તો વાળ ઓછા થઈ શકે છે.

વધુ પડતું કામ કરવું

જીમમાં હાર્ડ઼  વર્કઆઉટ થાક  વધારી શકે છે, જે વાળના સ્વાસ્થ્યને પણ અસર કરી શકે છે. વધુ પડતા તણાવથી વાળ ખરી શકે છે. જો તમે જીમમાં વધુ પડતો વર્કઆઉટ કરો છો, તો હોર્મોનલ બદલાવને કારણે વાળ નબળા પડી શકે છે.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો